ក្រុងប៉េកាំង ចាប់ឃុំខ្លួនអតីតមន្រ្តីទូតកាណាដា ខណៈភាពតានតឹងកើនឡើងលើបញ្ហា Huawei

2018-12-12 01:14:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ជនជាតិកាណាដាម្នាក់ ត្រូវបានបញ្ជាក់ថា ត្រូវបានចាប់ខ្លួននៅក្នុងប្រទេសចិន កាលពីថ្ងៃទី១១ ខែធ្នូ ឆ្នាំ២០១៨ ម្សិលមិញ ដែលកំពុងបង្កើនការប្រឈមមុខដាក់គ្នាផ្នែកការទូតរវាង ចិន និងកាណាដា ក្រោយកាណាដាបានចាប់ខ្លួនប្រធានហិរញ្ញវត្ថុ និងត្រូវជាកូនស្រីរបស់អគ្គនាយកក្រុមហ៊ុន Huawei គឺលោកស្រី Meng Wanzhou កាលពីដើមខែធ្នូនេះ។

ជនជាតិកាណាដា ឈ្មោះ Michael Korvig ជាអតីតមន្រ្តីទូតកាណាដាប្រចាំក្រុងប៉េកាំង (ឆ្វេង) និងលោកស្រី Meng Wanzhou ប្រធានហិរញ្ញវត្ថុ Huawei (ស្ដាំ)/ រូបភាព៖ Reuters

ជនជាតិកាណាដា ឈ្មោះ Michael Korvig ជាអតីតមន្រ្តីទូតកាណាដាប្រចាំក្រុងប៉េកាំង ត្រូវរាយការណ៍ថា ត្រូវបានចាប់ឃុំខ្លួន ដូចករណីលោកស្រី Meng Wanzhou ដែលកំពុងត្រូវបានឃុំខ្លួននៅក្នុងប្រទេសកាណាដាផងដែរ។

លោក Justin Trudeau នាយករដ្ឋមន្រ្តីកាណាដា បានបញ្ជាក់ថា "យើងដឹងពីស្ថានការណ៍នៃជនជាតិកាណាដាម្នាក់ត្រូវបានចាប់ឃុំខ្លួននៅក្នុងប្រទេសចិន"។

លោក Robert Palladino អ្នកនាំពាក្យក្រសួងការបរទេសកាណាដា បានបញ្ជាក់ថា "យើងជំរុញឲ្យចិន បញ្ចប់គ្រប់ទម្រង់ទាំងអស់នៃការឃុំខ្លួន និងគោរពការការពារ និងសេរីភាពនៃបុគ្គល ក្រោមសិទ្ធិមនុស្សអន្តរជាតិ និងការប្ដេជ្ញាផ្នែកកុលស៊ុលរបស់ចិន"។

សូមបញ្ជាក់ថា មុនការចាប់ខ្លួនអតីតមន្រ្តីទូតកាណាដានេះ ក្រុងប៉េកាំងបានព្រមានប្រទេសកាណាដាថា ប្រសិនបើកាណាដាដោះស្រាយបញ្ហាការចាប់ខ្លួនលោកស្រី Meng Wanzhou មិនត្រឹមត្រូវទេ កាណាដានឹងប្រឈមនឹងផលវិបាកធ្ងន់ធ្ងរ៕

ប្រភព៖ Channelnewsasia ប្រែសម្រួល៖ វាសនា