រដ្ឋមន្រ្តីការបរទេស៖ ចិនមិននៅស្ងៀមឡើយ ចំពោះការប៉ះពាល់លើពលរដ្ឋខ្លួនដែលនៅក្រៅប្រទេស

2018-12-12 03:37:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក Wang Yi រដ្ឋមន្រ្តីការបរទេសចិន បានថ្លែងថា សុវត្ថិភាព និងសន្តិសុខនៃពលរដ្ឋចិន ដែលនៅក្រៅប្រទេស គឺជាក្តីបារម្ភមួយសម្រាប់ប្រទេសចិន។ ការលើកឡើងនេះធ្វើឡើងក្នុងសន្និសីទស្តីពីការអភិវឌ្ឍអន្តរជាតិ និងការទូតនៃប្រទេសចិន នៅក្រុងប៉េកាំង កាលពីថ្ងៃទី១១ ខែធ្នូ ឆ្នាំ២០១៨។

លោក Wang Yi ថ្លែងក្នុងសន្និសីទកាលពីថ្ងៃទី១១ ធ្នូ ២០១៨ នៅក្រុងប៉េកាំង។ រូបថត៖ វិបសាយ CGTN

លោកបាននិយាយថា សម្រាប់ការប្រព្រឹត្តណាមួយដែលរំលោភទៅលើសិទ្ធិស្របច្បាប់ និងផលប្រយោជន៍របស់ពលរដ្ឋចិន នោះប្រទេសចិន នឹងមិនអង្គុយនៅស្ងៀមឡើយ។ លោកថា ចិននឹងធ្វើគ្រប់បែបយ៉ាងដើម្បីការពារសិទ្ធិស្របច្បាប់របស់ពលរដ្ឋខ្លួន និងយុត្តិធម៌ពិភពលោក។

ការថ្លែងខាងលើនេះ គឺក្រោយពេលដែលកាណាដា បានចាប់ឃុំខ្លួនលោកស្រី Meng Wanzhou ប្រធានហិរញ្ញវត្ថុនៃក្រុមហ៊ុនយក្សរបស់ចិន Huawei កាលពីដើមខែធ្នូនេះ។ ការចាប់ខ្លួននេះ បានបណ្តាលឱ្យមានការប្រឈមុខដាក់គ្នាផ្នែកការទូតរវាងប្រទេសចិន និងកាណាដា៕

ប្រភព៖ CGTN ប្រែសម្រួល៖ សំភី