ត្រាំ ធ្វើអន្តរាគមន៍រឿង Huawei ក្រោមហេតុផលមួយ

2018-12-12 04:19:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ដូណាល់ ត្រាំ ប្រធានាធិបតីអាមេរិក បានថ្លែងថា លោកធ្វើអន្តរាគមន៍ ករណីប្រធានផ្នែកហិរញ្ញវត្ថុរបស់ក្រុមហ៊ុន Huawei ប្រសិនបើអន្តរាគមន៍នេះ អាចជួយឲ្យកិច្ចព្រមព្រៀងថ្មីមួយរវាងអាមេរិក និងចិន អាចលេចចេញជារូបរាងបាន។

ការថ្លែងរបស់លោក ដូណាល់ ត្រាំ ត្រូវបានធ្វើឡើងក្នុងកិច្ចសម្ភាសជាមួយអ្នកសារព័ត៌មាន Reuters កាលពីថ្ងៃទី១១ ខែធ្នូ ឆ្នាំ២០១៨។

លោក ដូណាល់ ត្រាំ ឆ្លើយនឹងអ្នកសារព័ត៌មាន Reuters (រូបថត៖ Reuters)

ក្នុងកិច្ចសម្ភាសនោះ លោកប្រធានាធិបតីអាមេរិក មានជំនឿថា លោកនឹងអាចចរចាជាមួយលោកប្រធានាធិបតីចិន ស៊ី ជិនពីង ដើម្បីឈានដល់កិច្ចព្រមព្រៀងមួយ ដោះស្រាយវិបត្តិជម្លោះរវាងប្រទេសទាំងពីរ ដែលបណ្ដាលឲ្យទីផ្សារភាគហ៊ុនអាមេរិក ធ្លាក់ចុះ នាពេលថ្មីៗកន្លងទៅ។

សូមជម្រាបថា លោកស្រី Meng Wanzhou ប្រធានផ្នែកហិរញ្ញវត្ថុ របស់ក្រុមហ៊ុន Huawei ត្រូវបានចាប់ខ្លួននៅដើមខែធ្នូនេះ នៅទីក្រុង Vancouver ប្រទេសកាណាដា ពាក់ព័ន្ធនឹងការរំលោភលើទណ្ឌកម្មដែលអាមេរិក ដាក់លើ អ៊ីរ៉ង់។ ក៏ប៉ុន្តែ លោកស្រី ត្រូវបានតុលាការកាណាដា យល់ព្រមដោះលែងឲ្យនៅក្រៅឃុំហើយ នៅថ្ងៃទី១២ ខែធ្នូ ឆ្នាំ២០១៨។

ការចាប់ខ្លួននេះ គឺបន្ទាប់ពីលោក ត្រាំ និងលោក ស៊ី ប្រកាសផ្អាកការដំឡើងពន្ធដាក់គ្នាទៅវិញទៅមក រយៈពេល ៩០ថ្ងៃ អំឡុងកិច្ចប្រជុំកំពូល នៅប្រទេសអាហ្សង់ទីន៕

អត្ថបទ៖ លាភ.