វេស្ទើន ប្រកាសដកខ្លួនពីលីគកំពូលកម្ពុជា
- 2018-12-25 08:57:38
- ចំនួនមតិ 0 | ចំនួនចែករំលែក 0
វេស្ទើន ប្រកាសដកខ្លួនពីលីគកំពូលកម្ពុជា
ចន្លោះមិនឃើញ
ក្លឹបបាល់ទាត់វេស្ទើន បានប្រកាសដកខ្លួនពីលីគកំពូលកម្ពុជា នៅរដូវកាលក្រោយ បន្ទាប់ពីខ្វះដៃគូឧបត្ថម្ភ និងមានវិបត្តិហិរញ្ញវត្ថុ។
ទាក់ទងការដកខ្លួននេះអ្នកចាត់ការទូទៅរបស់ក្លឹបលោក ប៊ួយ ម៉េងហុង បានបកស្រាយថា ការប្រកាសដកខ្លួននេះ ដោយសារក្លឹបគ្មានលទ្ធភាពគ្រប់គ្រាន់ក្នុងការផ្ដល់ប្រាក់បៀវត្សសមរម្យ ដល់កីឡាករល្អៗ។ មែនទែនទៅ បើលោកបន្តប្រឹងប្រែងចូលលេងលីគឆ្នាំក្រោយទៀត នៅអាចទៅរួច។ តែធ្វើបែបនេះ លោកអាណិតកីឡាករ ដែលប្រឹងប្រែងលេងឲ្យក្លឹបទាំងប្រាក់ខែតិចតួចហើយ ទទួលបានលទ្ធផលមិនល្អដូចរដូវកាលមុន។
លោកសង្កត់ធ្ងន់ថា ដកខ្លួននេះ ហាក់ដូចបើកចិត្តទូលាយផ្ដល់ឱកាសឲ្យកីឡាករល្អៗ អាចទៅលេងក្លឹបខ្លាំងៗ ដែលអាចទទួលបានប្រាក់ខែសមរម្យក្នុងការទ្រទ្រង់ជីវភាពគ្រួសាររបស់គេ។ ជុំវិញរឿងខាងលើ លោកពិតជាសោកស្ដាយ ប៉ុន្តែលោករង់ចាំទទួលដៃពីរ ប្រសិនបើមានដៃគូណាចង់បង្កើតក្លឹបនេះឡើងវិញ ចូលលេងលីគរដូវកាលក្រោយៗទៀត។ លោកពិតជាមិនចង់លេងដើម្បីមានតែឈ្មោះលេង ប៉ុន្តែមិនល្អប្រសើរដោយចាញ់រហូតដូចកាលមុននោះទេ។
សូមបញ្ជាក់ថា រដូវកាល២០១៨ដែលទើបចប់កន្លងទៅ វេស្ទើនរកបានត្រឹមតែ១ពិន្ទុប៉ុណ្ណោះ ក្នុងតារាងលីគកំពូលកម្ពុជា ដោយចាញ់២១ និងស្មើ១ប្រកួត៕