តារាចម្រៀងស្រីវ័យក្មេង ៥រូប ដែលកំពុងលេចធ្លោក្នុងវិស័យសិល្បៈ
- 2018-12-28 06:44:23
- ចំនួនមតិ 0 | ចំនួនចែករំលែក 0
តារាចម្រៀងស្រីវ័យក្មេង ៥រូប ដែលកំពុងលេចធ្លោក្នុងវិស័យសិល្បៈ
ចន្លោះមិនឃើញ
[ខ្លីៗ] សូមបង្ហាញពីតារាចម្រៀងស្រីវ័យក្មេងចំនួន៥រូប ដែលកំពុងមានភាពលេចធ្លោក្នុងវិស័យសិល្បៈ ដូចខាងក្រោម៖
១. កញ្ញា ចិត្ត កញ្ចនា៖ ជាសិល្បករចម្រៀង Original Song ដែលថ្មីៗនេះទើបតែចេញអាល់ប៊ុមទោល មានចំណងជើងថា «Sweet Nightmare» ហើយបទចម្រៀងដែលមានការគាំទ្រខ្លាំងចុងឆ្នាំ ២០១៨ របស់កញ្ញា មានចំណងជើងថា «Missing You» និង MV ថ្មីចំណងជើង «ក្រោកឈរ»។
២. កញ្ញា Nikki Nikki៖ ជាតារាចម្រៀង Original Song ម្នាក់ដែលកសាងស្នាដៃតែងនិពន្ធបទចម្រៀងជាភាសាអង់គ្លេស ដោយសារទេពកោសល្យសម្លេងជាភាសាបរទេសបានល្អ តែកញ្ញាផ្ទាល់ក៏អាចច្រៀងចម្រៀងជាភាសាខ្មែរបានល្អ និងពិរោះដែរ។ កាលដើមឡើយ កញ្ញា Nikki Nikki ជាអ្នកចម្រៀង Cover ហើយបន្តស្វែងរកភាពខ្លាំងរបស់ខ្លួន រួចក្លាយជាអ្នកចម្រៀងទោលល្បីម្នាក់ តាមរយៈបទចម្រៀង «Home For Dinner» និងបទថ្មីៗ មួយចំនួនទៀត ដែលវីដេអូទាំងនោះបានជាប់ក្នុង Vevo Youtube ទៀតផង។
៣. កញ្ញា រិទ្ធី លំអរកេសរ ហៅ Yuko៖ ជាតារាចម្រៀង Original Song ពីក្រុមចម្រៀង Small World Small Band ដែលកញ្ញាធ្លាប់មានបទចម្រៀងទាំងទោល និងជាលក្ខណៈក្រុមដែលនិពន្ធដោយផ្ទាល់ និងរួមនិពន្ធក្នុងក្រុម។ បទចម្រៀងរបស់កញ្ញា Yuko ដែលមានការស្រលាញ់ពេញចិត្តពីយុវវ័យច្រើន ព្រោះតែអត្ថន័យលើកទឹកចិត្តមានចំណងជើងថា «បានទេ» ក្នុងអាល់ប៊ុម ២ គុណ ៥ ឆ្នាំ ២០១៧។
៤. កញ្ញា រុន ស៊ីរ៉ា៖ ជាតារាចម្រៀងមានប្រជាប្រិយព្រោះសំឡេងធម្មជាតិ។ ចម្រៀងរបស់កញ្ញា ស៊ីរ៉ា ដែលនាំរូបនាងឱ្យមានការទទួលស្គាល់មានចំណងជើងថា «ហេតុអ្វីជាខ្ញុំដែលយំម្នាក់ឯង?»។
៥. កញ្ញា Autumn Allen៖ ជាសិល្បករវ័យក្មេងជាងគេ តែកញ្ញាបានកសាងភាពល្បីល្បាញដោយសមត្ថភាពច្រៀងជាភាសាបរទេស ដោយសារជាកូនខ្មែរកាត់អាមេរិកស្រាប់ផង។ ឆ្លងកាត់ការបណ្ដុះបណ្ដាលផ្នែកចម្រៀង និងចូលរួមសម្ដែងចម្រៀងជាច្រើនមក Allen បានបង្កើតបទ Original Song របស់ខ្លួន និងនាំឱ្យមានការទទួលស្គាល់ជាលក្ខណៈអន្តរជាតិ ដោយបទនោះមានចំណងជាភាសាអង់គ្លេសថា «Beautiful Scar»៕