ដើមឆ្នាំ២០១៩ លិខិតឆ្លងដែនប្រទេសណា ដែលមានអំណាចជាងគេ?
- 2019-01-09 02:21:28
- ចំនួនមតិ 0 | ចំនួនចែករំលែក 0
ដើមឆ្នាំ២០១៩ លិខិតឆ្លងដែនប្រទេសណា ដែលមានអំណាចជាងគេ?
ចន្លោះមិនឃើញ
របាយការណ៍ Henley Passport Index ដែលចេញនៅដើមឆ្នាំ២០១៩នេះ បានបង្ហាញថា លិខិតឆ្លងដែនប្រទេសជប៉ុន បានក្លាយជាលិខិតឆ្លងដែនដែលមានអំណាច ឥទ្ធិពលជាងគេនៅលើពិភពលោក។
ប្រជាជនជប៉ុន ដែលកាន់លិខិតឆ្លងដែន អាចធ្វើដំណើរទៅកាន់ ១៩០ប្រទេស ដោយមិនត្រូវការទិដ្ឋាការឡើយ។ ចំណែកលិខិតឆ្លងដែនប្រទេសសិង្ហបុរី និងកូរ៉េខាងត្បូង ឈរនៅលេខ២ ដោយអាចចូលទៅ ១៨៩ប្រទេស ដោយមិនចាំបាច់មាន ទិដ្ឋាការ។
របាយការណ៍របស់ Henley Passport Index បានប្រមូលពីទិន្នន័យរបស់សមាគមដឹកជញ្ជូនផ្លូវអាកាសអន្តរជាតិ (IATA)។
ដោយឡែក លិខិតឆ្លងដែន ដែលមានអំណាចជាងគេ នៅចំណាត់ថ្នាក់លេខ៣ (១៨៨ប្រទេស) គឺ ប្រទេសអាល្លឺម៉ង និងបារាំង។ លេខ៤ បានលើ ដាណឺម៉ាក ហ្វាំងឡង់ អ៊ីតាលី និងស៊ុយអែត (១៨៧ប្រទេស) តាមពីក្រោយដោយ លុចហ្សំបួរ និងអេស្ប៉ាញ ដែលស្ថិតនៅចំណាត់ថ្នាក់ទី៥ (១៨៧ប្រទេស)។
លិខិតឆ្លងដែនដែលមានការប្រែប្រួលចំណាត់ថ្នាក់ច្រើន គិតពីឆ្នាំ២០១៧ ដល់ ២០១៩ គឺលិខិតឆ្លងដែន ចិន ពីលេខ៨៥ (៥១ប្រទេស) មកលេខ ៦៩ (៧៤ប្រទេស)។
ចំពោះប្រទេសនៅមជ្ឈិមបូព៌ា ដែលលិខិតឆ្លងដែនមានឥទ្ធិពលបំផុត បានទៅលើ អារ៉ាប់រួម ដែលឈរលេខ២២ អាចចូលទៅ ១៦៤ប្រទេស ដោយមិនត្រូវការទិដ្ឋាការ។
ចុច ទីនេះ ដើម្បីមើលរបាយការណ៍ Henley Passport Index៕