ឥណ្ឌា គ្រោងបញ្ជូនមនុស្សទៅកាន់អវកាសជាលើកដំបូង នៅឆ្នាំ២០២១

2019-01-10 04:07:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក K Sivan ប្រធានអង្គការស្រាវជ្រាវអវកាសឥណ្ឌា (ISRO) បានអះអាងថា ឥណ្ឌា នឹងបញ្ជូនមនុស្សទៅកាន់អវកាសជាលើកដំបូង នៅអំឡុងឆ្នាំ២០២១ ដោយក្នុងនោះអាចមានទាំងស្រ្តីមួយរូបផងដែរ។ នេះបើតាមការចុះផ្សាយរបស់ The Indian Express នៅថ្ងៃទី១០ ខែមករា ឆ្នាំ២០១៩។

លោកបញ្ជាក់ថា ចំពោះបេសកកម្មនេះ អង្គការ ISRO បាននឹងកំពុងកសាងយានអវកាសមួយដែលអាចផ្ទុកមនុស្ស ៣នាក់ និងអាចស្ថិតនៅទីអវកាសបានដល់ ៧ថ្ងៃ។

ការជ្រើសរើសអ្នកអវកាស ត្រូវបានលោកK Sivan និយាយថា នឹងជ្រើសរើសចេញពីកងទ័ពអាកាស ប៉ុន្តែដំណើរការជ្រើសរើស មិនទាន់ចាប់ផ្តើមនៅលើយ ហើយនឹងត្រូវប្រើរយៈពេលយូរផងដែរ។ មិនតែប៉ុណ្ណោះសម្រាប់បេក្ខជនជាស្រ្តី នឹងកាន់តែត្រូវពិចារណាខ្លាំងជាងនេះថែមទៀត។

ការបាញ់បង្ហោះគ្រាប់រ៉ុកកែត របស់ឥណ្ឌា នាពេលកន្លងមក (រូបថត៖ ISRO)

សូមរំលឹកថា ក្នុងពិធីបុណ្យឯករាជ្យជាតិឥណ្ឌាកាលពីថ្ងៃទី១៥ ខែសីហា ឆ្នាំ២០១៨ លោកនាយករដ្ឋមន្រ្តី ណារិនដ្រា មូឌី បានប្រកាសថា ឥណ្ឌា នឹងក្លាយជាប្រទេសទី៤ ដែលបញ្ជូនមនុស្សទៅកាន់ទីអវកាសតាមរយៈយានអវកាសរបស់ខ្លួនជាលើកដំបូងនៅត្រឹមឆ្នាំ២០២២ បន្ទាប់ពីអាមេរិក រុស្ស៊ី និងចិន។

លោកបានថ្លែងយ៉ាងដូច្នេះថា៖ «នៅពេលដែលឥណ្ឌាប្រារព្ធខួបឯករាជ្យលើកទី៧៥ ក្នុងឆ្នាំ២០២២ ឬក៏អាចនៅមុននោះ កូនប្រុស ឬកូនស្រីឥណ្ឌាម្នាក់ នឹងប្រតិបត្តិការបេសកម្មនៅទីអវកាសលើយានអវកាស Gaganyaan ដោយនាំទង់ជាតិឥណ្ឌាទៅជាមួយ»។

គួរដឹងដែរថា មកទល់ពេលនេះ មានមនុស្សប្រមាណ ៥៥០នាក់ហើយ ដែលបានធ្វើដំណើរទៅកាន់ទីអវកាស ក្នុងនោះមានស្រ្តីចំនួន ៦០នាក់៕

ប្រភព៖ Indian Express ប្រែសម្រួល៖ សំភី