ថ្ងៃ១៤ មករា ២០១៩ ជាខួប៣៤ឆ្នាំ ដែលសម្តេច ហ៊ុន សែន កាន់តំណែងជានាយករដ្ឋមន្រ្តី
- 2019-01-14 03:49:51
- ចំនួនមតិ 0 | ចំនួនចែករំលែក 0
ថ្ងៃ១៤ មករា ២០១៩ ជាខួប៣៤ឆ្នាំ ដែលសម្តេច ហ៊ុន សែន កាន់តំណែងជានាយករដ្ឋមន្រ្តី
ចន្លោះមិនឃើញ
សម្តេច ហ៊ុន សែន បានថ្លែងក្នុងពិធីបើកការដ្ឋានសាងសង់ផ្លូវក្រវាត់ក្រុងទី៣ថា នៅថ្ងៃនេះ គឺជាខួប៣៤ឆ្នាំ នៃការកាន់តំណែងជានាយករដ្ឋមន្រ្តីរបស់សម្តេច (១៤ មករា ១៩៨៥-១៤ មករា ២០១៩) ពោលគឺសម្តេចបានទទួលតំណែងនេះ តាំងពីអាយុ ៣២ឆ្នាំ។
សូមជម្រាបថា សម្តេច ហ៊ុន សែន បានធ្វើជានាយករដ្ឋមន្រ្តី និងរដ្ឋមន្រ្តីបរទេស ពីឆ្នាំ១៩៨៥ ដល់ ១៩៩១ (ក្នុងសម័យសាធារណរដ្ឋប្រជាមានិតកម្ពុជា និងរដ្ឋកម្ពុជា)។ ក្រោយកិច្ចព្រមព្រៀងសន្តិភាពក្រុងប៉ារីសឆ្នាំ ១៩៩១ និងការបោះឆ្នោតសកលឆ្នាំ១៩៩៣ សម្តេច ហ៊ុន សែន បានក្លាយជានាយករដ្ឋមន្រ្តីទីពីរ ពីឆ្នាំ១៩៩៣ ដល់ ១៩៩៨ ក្នុងឋានៈជាសហនាយករដ្ឋមន្រ្តី ដោយនាយករដ្ឋមន្រ្តីទី១ គឺសម្តេចក្រុមព្រះនរោត្តម រណឬទ្ធិ។ បន្ទាប់ពីការបោះឆ្នោតឆ្នាំ ១៩៩៨មក សម្តេច ហ៊ុន សែន ក៏បានក្លាយជានាយករដ្ឋមន្រ្តីកម្ពុជាតែ១គត់ រហូតមកដល់បច្ចុប្បន្ននេះ៕