ទីតាំងប្រអប់ខ្មៅទី២ របស់ជើងហោះហើរ Lion Air រកឃើញក្រោយការធ្លាក់២ខែ

2019-01-14 04:30:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ឥណ្ឌូណេស៊ី បានរកឃើញទីតាំងរបស់ប្រអប់ខ្មៅទី២ របស់ជើងហោះហើរ Lion Air ដែលបានធ្លាក់នៅក្រុងហ្សាកាតាកាលពី ២ខែមុន ប្រភេទ Boeing Co 737 MAX ។ នេះបើតាមការបញ្ជាក់ពីមន្ត្រីគណៈកម្មាធិការសុវត្ថិភាពដឹកជញ្ជូនឥណ្ឌូណេស៊ី នៅថ្ងៃទី១៤ ខែមករា ឆ្នាំ២០១៩នេះ។

មន្ត្រីជំនាញ កំពុងលើកបំណែកយន្តហោះ របស់ជើងហោះហើរក្រុមហ៊ុនអាកាសចរណ៍ Lion Air ដែលបានធ្លាក់កាលពីខែតុលា ឆ្នាំ២០១៨ (រូបថត៖ Reuters)

លោក Haryo Satmiko អនុប្រធានគណៈកម្មាធិការសុវត្ថិភាពដឹកជញ្ជូនឥណ្ឌូណេស៊ី បានឲ្យដឹងថា ទីតាំងប្រអប់ខ្មៅទី២ ក្នុងបន្ទប់បើកបរ ត្រូវបានរកឃើញ ប៉ុន្តែមិនទាន់មានការបញ្ជាក់ពីទីតាំងជាក់លាក់នោះទេ។

ការរកឃើញនេះ គឺបន្ទាប់ពីឥណ្ឌូណេស៊ី បើកការស្វែងរកប្រអប់ខ្មៅនេះសាជាថ្មី កាលពីថ្ងៃទី៨ ខែមករា ឆ្នាំ២០១៩។ យន្តហោះបានធ្លាក់ចូលសមុទ្រចាហ្វា កាលពីខែតុលា ឆ្នាំ២០១៨ ដែលបណ្ដាលឲ្យមនុស្ស ១៨៩នាក់ស្លាប់។

សូមរំឭកថា ប្រអប់ខ្មៅទី១ ត្រូវបានរកឃើញ ក្រោយការធ្លាក់ចំនួន ៣ថ្ងៃ៕

អត្ថបទទាក់ទង