មន្ទីរបញ្ចកោណអាមេរិក សម្រេចពន្យារពេលបេសកកម្មយោធានៅព្រំដែនម៉ិចស៊ីកូបន្ថែមទៀត

2019-01-15 03:48:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មន្ទីរបញ្ចកោណបានប្រកាសកាលពីថ្ងៃទី១៤ ខែមករា ឆ្នាំ២០១៩ថា យោធាអាមេរិក នឹងពន្យារពេលបេសកកម្មដើម្បីគាំទ្រដល់សន្តិសុខតាមបណ្តោយព្រំដែនម៉ិចស៊ីកូ រហូតដល់ថ្ងៃទី៣០ ខែកញ្ញា ឆ្នាំ២០១៩។

រដ្ឋមន្រ្តីស្តីទីក្រសួងការពារជាតិអាមេរិក លោក Patrick Shanahan បានយល់ព្រមលើការពន្យារពេលនេះ ដែលជាការឆ្លើយតបនឹងសំណើរបស់ក្រសួងសន្តិសុខមាតុភូមិអាមេរិក។ បច្ចុប្បន្នទ័ពអាមេរិក ប្រមាណ ២៣៥០នាក់ ត្រូវបានចាត់តាំងឱ្យបំពេញបេសកកម្មនៅតាមបណ្តោយព្រំដែននេះ។

ភ្នាក់ងារល្បាតព្រំដែនអាមេរិក នៅព្រំដែនម៉ិចស៊ីកូ កាលពីខែវិច្ឆិកា ឆ្នាំ២០១៨។ រូបថត៖ Reuters

សូមបញ្ជាក់ថា អតីតរដ្ឋមន្រ្តីការពារជាតិអាមេរិក លោក Jim Mattis បានកំណត់បញ្ចប់បេសកកម្មយោធានៅតាមបណ្តោយព្រំដែននេះ ត្រឹមថ្ងៃទី៣១ ខែមករា ឆ្នាំ២០១៩។

គួររំលឹកថា ប្រធានាធិបតីអាមេរិក លោក ដូណាល់ ត្រាំ បានបញ្ជាឱ្យមានការចល័តទ័ពទៅកាន់ព្រំដែន កាលពីខែតុលា ឆ្នាំ២០១៨ ដើម្បីបង្ក្រាបលើការធ្វើអន្តោប្រវេសន៍ខុសច្បាប់ ចេញពីប្រទេសម៉ិចស៊ីកូ។ ការបញ្ជានេះ ធ្វើឡើងនៅមុនពេលដែលអាមេរិក រៀបចំការបោះឆ្នោតសភា ដែលបានធ្វើឡើងនៅខែវិច្ឆិកា ឆ្នាំ២០១៨៕

ប្រភព៖ Reuters ប្រែសម្រួល៖ សំភី