គ្រូបង្គោល Cambodia All Stars រំពឹងអាចយកឈ្នះ Muang Thong ១០០%

2019-01-17 06:53:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ភា សុភ័ត្ត្រា គ្រូបង្គោលក្រុមបាល់ទាត់ Cambodia All Stars បានដាក់គោលដៅក្នុងការយកឈ្នះក្រុមបាល់ទាត់ជើងខ្លាំងរបស់ថៃ SCG Muang Thong United ក្នុងការប្រកួតសប្បុរសធម៌មិត្តភាពអន្តរជាតិ ដោយបង្ហាញក្ដីរំពឹង ១០០ភាគរយ។ នេះបើយោងតាមការអះអាងរបស់លោក ក្នុងកិច្ចសម្ភាសមួយ តាមរយៈវីដេអូដែលចេញផ្សាយដោយគណៈកម្មាធិការជាតិអូឡាំពិកកម្ពុជា នារសៀលថ្ងៃទី១៧ ខែមករា ឆ្នាំ២០១៩នេះ។

លោក ភា សុភ័ត្ត្រា គ្រូបង្គោលក្រុមបាល់ទាត់ Cambodia All Stars

លោក ភា សុភ័ត្ត្រា បានលើកឡើងថា លទ្ធផលជារឿងដ៏សំខាន់ ដោយសារនេះជាការប្រកួតក្នុងដី ដែលរំពឹងថា នឹងមានអ្នកចូលរួមទស្សនាយ៉ាងច្រើនកុះករ។ «ការជ្រើសរើសរបស់យើងនេះ គឺផ្ដោតទៅលើលទ្ធផលមុន ដើម្បីការប្រកួតជាលើកទីមួយសម្រាប់អន្តរជាតិ អាចនឹងមានចំនួនអ្នកចូលរួមទស្សនាច្រើន។ សម្រាប់ខ្ញុំជាទទួលខុសត្រូវ ត្រូវតែដាក់គោលដៅ ១០០ភាគរយសម្រាប់ជ័យជម្នះនៃការប្រកួតនេះ»។

សូមរំឭកថា សហព័ន្ធកីឡាបាល់ទាត់កម្ពុជា (FFC) បានចេញលិខិតឧទ្ទេសនាមមុននេះ ដោយតែងតាំងលោក ភា សុភ័ត្រ្តា ឲ្យធ្វើជាគ្រូបង្វឹកក្រុមបាល់ទាត់ Cambodia All Stars ដើម្បីត្រៀមប្រកួតមិត្តភាពអន្តរជាតិទល់ក្រុមបាល់ទាត់ SCG Moung Thong United នាថ្ងៃទី៩ ខែកុម្ភៈ ឆ្នាំ២០១៩ នៅទីលានពហុកីឡដ្ឋានជាតិ៕