ទឹកធ្លាក់ធម្មជាតិដ៏ស្រស់ស្អាតមួយ កំពុងលាក់ខ្លួនក្នុងដែនជម្រកសត្វព្រៃភ្នំណាមលៀរ ខេត្តមណ្ឌលគិរី
- 2019-01-17 07:23:58
- ចំនួនមតិ 0 | ចំនួនចែករំលែក 0
ទឹកធ្លាក់ធម្មជាតិដ៏ស្រស់ស្អាតមួយ កំពុងលាក់ខ្លួនក្នុងដែនជម្រកសត្វព្រៃភ្នំណាមលៀរ ខេត្តមណ្ឌលគិរី
ចន្លោះមិនឃើញ
មន្ទីរបរិស្ថានខេត្តមណ្ឌលគិរី បានបង្ហាញពីទេសភាពទឹកធ្លាក់ធម្មជាតិដ៏ស្រស់ស្អាតដែលសំងំលាក់ខ្លួននៅក្នុងដែនជម្រកសត្វព្រៃភ្នំណាមលៀរ។ ទឹកធ្លាក់នេះ បាននឹងកំពុងទាក់ទាញអារម្មណ៍អ្នកស្រឡាញ់បរិស្ថានធម្មជាតិ ឱ្យចូលទៅកម្សាន្តទីនោះ។
លោក វុធ សារុំ នាយកដែនជម្រកសត្វព្រៃភ្នំណាមលៀរ បានឲ្យដឹងថា ទឹកធ្លាក់នេះ ត្រូវបានគេហៅឈ្មោះថា «ទឹកធ្លាក់អូររនៀល» ស្ថិតក្នុងភូមិពូឆប ឃុំដាក់ដាំ ស្រុកអូររាំង ខេត្តមណ្ឌលគិរី នៃដែនជម្រកសត្វព្រៃភ្នំណាមលៀរ។
លោកបន្តថា ទឹកធ្លាក់នេះមានចម្ងាយប្រមាណ ២៥គីឡូម៉ែត្រ ពីរង្វង់មូលគោព្រៃ ហើយត្រូវបើកបរម៉ូតូ និងដើរដោយថ្មើរជើង មានចម្ងាយសរុបប្រមាណ ១០គីឡូម៉ែត្រទៀត ទើបទៅដល់ចំណុចទឹកធ្លាក់នេះ៕
រូបថត៖ មន្ទីរបរិស្ថានខេត្តមណ្ឌលគិរី