អាមេរិក ប្រកាសបំពាក់ប្រព័ន្ធប្រឆាំងមីស៊ីលថ្មី ចំនួន២០គ្រឿង នៅរដ្ឋ Alaska

2019-01-18 03:29:23
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីអាមេរិក លោក ដូណាល់ ត្រាំ បានប្រកាសពីគម្រោងក្នុងការបំពាក់ប្រព័ន្ធប្រឆាំងមីស៊ីលថ្មី ចំនួន ២០គ្រឿង នៅរដ្ឋ Alaska ដែលអាចដើរតួជាខែលការពារទីក្រុងនានារបស់អាមេរិក។

ប្រធានាធិបតីអាមេរិក លោក ដូណាល់ ត្រាំ (រូប៖ Reuters)

ថ្លែងនៅមន្ទីរបញ្ចកោណ កាលពីថ្ងៃទី១៧ ខែមករា ឆ្នាំ២០១៩ លោក ត្រាំ ប្រកាសថា គោលដៅរបស់អាមេរិក គឺកម្ទេចមីស៊ីលទាំងឡាយណា ដែលបាញ់ចេញប្រទេសដែលមានបំណងអាក្រក់មកលើអាមេរិក។ ការលើកឡើងរបស់លោក ត្រាំ គឺបន្ទាប់ពី ប្រទេសអ៊ីរ៉ង់ បានបាញ់សាកល្បង គ្រាប់មីស៊ីលដែលទទួលបរាជ័យ កាលពីថ្ងៃទី១៥ ខែមករា ឆ្នាំ២០១៩ ដែលត្រូវបានរិះគន់ដោយសហរដ្ឋអាមេរិក។

លោកប្រធានាធិបតីអាមេរិក ក៏បានមានប្រសាសន៍ឲ្យដឹងដែរថា លោកនឹងផ្ដោតលើការបង្កើតស្រទាប់ការពារមីស៊ីល ដែលមានមូលដ្ឋាននៅលើអវកាស ផងដែរ។

លោក ត្រាំ ធ្លាប់មានប្រសាសន៍ថា លោកកំពុងបង្កើតកងកម្លាំងអវកាស ដែលជាបញ្ជាការដ្ឋានកងទ័ពថ្មីមួយទៀត បន្ទាប់ពីបញ្ជាការដ្ឋានកងទ័ពចំនួន៥ ដែលអាមេរិកកំពុងមាននាពេលបច្ចុប្បន្ន។ បញ្ជាការដ្ឋានទាំង ៥នោះ រួមមានបញ្ជាការដ្ឋានកងទ័ពថ្មើរជើង បញ្ជាការដ្ឋានកងម៉ារ៉ីន បញ្ជាការដ្ឋានកងទ័ពជើងទឹក និងបញ្ជាការដ្ឋានឆ្មាំសមុទ្រ៕

ប្រភព៖ RT ប្រែសម្រួល៖ លាភ.