ទិដ្ឋភាព កីឡាការិនីគុនខ្មែរ "នៅ ស្រីពៅ" ប្រឹងប្រែងហ្វឹកហាត់ ត្រៀមប៉ះថៃ នៅ ONE Championship

2019-01-30 03:38:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាការិនីគុនខ្មែរ នៅ ស្រីពៅ បាន និងកំពុងប្រឹងប្រែងហ្វឹកហាត់យ៉ាងខ្លាំងក្លា នៅក្លឹប Cambodian Top Team របស់លោកគ្រូ ហ៊ុន ច័ន្ទរាជ្យ។

ការហ្វឹកហាត់ច្រើនលើសធម្មតានេះ គឺដោយសារស្រីពៅ ត្រូវប្រកួតជាលើកដំបូងក្នុងស្ថាប័នដ៏ធំ គឺ ONE Championship នៅរាជធានីបាងកក ប្រទេសថៃ នាថ្ងៃទី១៦ ខែកុម្ភៈខាងមុខនេះ ដោយត្រូវប៉ះកីឡាការិនីម្ចាស់ផ្ទះ Rika Ishige។

ស្រីពៅ មិនធ្លាប់មានបទពិសោធន៍ប្រកួតយុទ្ធគុនចម្រុះ MMA នោះទេពីមុនមក ប៉ុន្តែកីឡាការិនី វ័យ ២២ឆ្នាំរូបនេះ ធ្លាប់មានបទពិសោធន៍យ៉ាងក្រាស់ក្រែលក្នុងសង្វៀនគុនខ្មែរ ពោលគឺធ្លាប់ឈ្នះ ៩១ដង ស្មើ២ដង និងចាញ់ ៨ដង ហើយក៏ធ្លាប់ចេញទៅប្រកួតលើឆាកអន្តរជាតិផងដែរ។

ចំណែកកីឡាការិនីថៃ Rika Ishige ធ្លាប់ប្រាប់យុទ្ធគុនចម្រុះ ៦ដង (នៅ ONE Championship ទាំង ៦ដង) ឈ្នះ ៤ដង និងចាញ់ ២ដង។ ប្រកួតចុងក្រោយ Rika បានផ្ដួលកីឡាការិនីមីយ៉ាន់ម៉ា Bozhena Antoniyar ក្នុងទឹកទី១ កាលពីខែតុលា ឆ្នាំ២០១៨។

សូមបញ្ជាក់ថា ក្រៅពី នៅ ស្រីពៅ ក៏នៅមានកីឡាករគុនខ្មែរមួយរូបទៀតដែរ ដែលត្រូវប្រកួតក្នុងកម្មវិធី ONE: CLASH OF LEGENDS គឺ ឡៅ ចិត្រា ប៉ះកីឡាករថៃ Superlek Kiatmoo9៕

សូមទស្សនាបណ្ដុំរូបភាព នៅ ស្រីពៅ ហ្វឹកហាត់ ដូចខាងក្រោមនេះ៖