ល្អាងថាមលួង នឹងក្លាយជាឧទ្យានប្រវត្តិសាស្រ្ត ខណៈឧបករណ៍សង្គ្រោះជិត៤០០ មិនទាន់យកចេញ

2019-02-01 04:11:39
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ល្អាងថាមលួង ដែលកីឡាករក្មេងៗ និងគ្រូបង្វឹក ១៣នាក់ បានជាប់ខ្លួនកាលពីចុងខែមិថុនា ឆ្នាំ២០១៨នោះ នឹងត្រូវប្រែក្លាយជាឧទ្យានប្រវត្តិសាស្រ្តរបស់ប្រទេសថៃ។ គម្រោងនេះត្រូវបានប្រកាសកាលពីថ្ងៃទី២៩ ខែមករា ឆ្នាំ២០១៩ នៅខេត្តឈៀងរ៉ៃ។

សកម្មភាពរុករកកីឡាករ និងគ្រូបង្វឹកទាំង១៣នាក់ ក្នុងល្អាងថាមលួង កាលពីឆ្នាំ២០១៨ (រូបភាពផ្តល់សិទ្ធិដោយ Reuters)

លោក Pasakorn Boonyalak អភិបាលរងខេត្តឈៀងរ៉ៃ បានឱ្យដឹងថា ការប៉ុនប៉ងរុករកឡើងវិញក្នុងល្អាងភ្នំថាមលួង ត្រូវបានផ្អាកកាលពីពាក់កណ្តាលខែមករាកន្លងទៅ ដោយសារតែមានទឹកជំនន់។ ក្រុមរុករកនេះ គឺដឹកនាំដោយជនជាតិអង់គ្លេស លោក Vernon Unsworth។

លោកអភិបាលរងខេត្តបញ្ជាក់ថា ឧបករណ៍ចំនួន ៣៧០ (មានពីស៊ឺរ៉ាំង ដល់ ធុងអុកស៊ីហ្សែន) ដែលត្រូវបានប្រើប្រាស់ក្នុងអំឡុងពេលរុករកសង្គ្រោះក្មេងៗ និងគ្រូបង្វឹកខាងលើ មិនទាន់ត្រូវបានយកចេញពីល្អាងថាមលួងនេះនៅឡើយទេ ហើយអាជ្ញាធរនឹងរក្សាទុកឧបករណ៍ទាំងនោះ សម្រាប់ធ្វើការដាក់បង្ហាញនាពេលអនាគត។

ល្អាងថាមលួង (រូបភាពផ្តល់សិទ្ធិដោយ Reuters)

សូមជម្រាបថា គណៈរដ្ឋមន្រ្តីថៃ បានយល់ព្រមលើគម្រោងបង្កើតល្អាងថាមលួង ជាឧទ្យានប្រវត្តិសាស្រ្ត តាំងពីខែធ្នូ ឆ្នាំ២០១៨ ប៉ុន្តែទើបតែត្រូវបានផ្សព្វផ្សាយជាសាធារណៈ កាលពីថ្មីៗនេះ៕

ប្រភព៖ Khaosod English ប្រែសម្រួល៖ សំភី