ណាសានឹងវិលទៅភពព្រះចន្ទវិញ តែលើកនេះខុសពីមុន

2019-02-15 09:48:27
ចំនួនមតិ 10 | ចំនួនចែករំលែក 84

ចន្លោះមិនឃើញ

ពាណិជ្ជកម្ម

អង្គការណាសា គ្រោងនឹងបញ្ជូនអ្នកអវកាសទៅកាន់ភពព្រះចន្ទសាជាថ្មីវិញ បន្ទាប់ពីអាកខានជាងប៉ុន្មានទសវត្សរ៍មក ប៉ុន្តែលើកនេះ គឺទៅស្នាក់នៅតែម្តង មិនមែនគ្រាន់តែជាន់ដីភពព្រះចន្ទ ហើយដោតទង់ជាតិរួច ត្រឡប់មកវិញ ដូចគ្រាមុននោះទេ។

លោក Jim Bridenstine អ្នករដ្ឋបាលរបស់អង្គការណាសា បានប្រាប់អ្នកសារព័ត៌មានកាលពីថ្ងៃទី១៤ ខែកុម្ភៈ ឆ្នាំ២០១៩ ថា អង្គការអវកាសនេះ គ្រោងនឹងបង្កើតល្បឿនគម្រោងបញ្ជូនទៅភពព្រះចន្ទដែលគាំទ្រដោយលោកប្រធានាធិបតី ដូណាល់ ត្រាំ នេះ តាមរយៈការបើប្រាស់ក្រុមហ៊ុនឯកជន។

លោក Jim Bridenstine

«វាមានសារៈសំខាន់ណាស់ដែលយើងត្រូវត្រឡប់ទៅភពព្រះចន្ទវិញ កាន់តែលឿនតាមដែលអាចធ្វើបាន»។ លោកថ្លែងដូច្នេះ នៅក្នុងកិច្ចប្រជុំមួយរបស់អង្គការណាសា នៅក្រុងវ៉ាស៊ីងតោន ដោយលោកសង្ឃឹមថា អ្នកអវកាសនឹងអាចវិលទៅភពព្រះចន្ទវិញ ត្រឹមឆ្នាំ២០២៨។

លោក Jim Bridenstine បន្ថែមថា៖ «យើងកំពុងធ្វើវាឱ្យខុសប្លែកទាំងស្រុងពីប្រទេសផ្សេងៗក្នុងពិភពលោក។ អ្វីដែលយើងកំពុងធ្វើនេះ គឺយើងធ្វើវាជានិរន្ត»។

សូមរំលឹកថា លោក Neil Armstrong គឺជាមនុស្សទី១ ដែលបានជាន់ដីភពព្រះចន្ទ នៅថ្ងៃទី២១ ខែកក្កដា ឆ្នាំ១៩៦៩ ក្នុងបេសកកម្មអាប៉ូឡូទី១១។ មនុស្សចុងក្រោយគេដែលបានទៅដល់ភពនេះ គឺលោក Eugene Cernan កាលពីខែធ្នូ ឆ្នាំ១៩៧២ ក្នុងបេសកកម្មអាបូឡូទី១៧។