សម្តេច ហ៊ុន សែន កោតសរសើរ ខណៈ U22 កម្ពុជា បានឡើងទៅវគ្គខ្វែង អាចប៉ះថៃ ឬវៀតណាម

2019-02-21 01:46:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្តេចនាយករដ្ឋមន្រ្តី ហ៊ុន សែន បានកោតសរសើរដល់ក្រុមកីឡាបាល់ទាត់ជម្រើសជាតិកម្ពុជា ក្រោមអាយុ២២ឆ្នាំ (U22) ដែលបានខិតខំលេងបានយ៉ាងល្អទល់នឹងក្រុម U22 មីយ៉ាន់ម៉ា កាលពីយប់មិញ ពោលគឺបានយកឈ្នះ ២-០ ក្នុងវគ្គចែកពូលB ជុំទី២ នៃពានរង្វាន់ AFF U22 LG CUP 2019 នៅពហុកីឡដ្ឋានជាតិ។

២គ្រាប់របស់កម្ពុជា ធ្វើបានដោយ យ៉ើ សាហ្វី និងស៊ិន សុផាណាត់។ លទ្ធផលនេះ បានធ្វើឱ្យក្រុម U22 កម្ពុជា ឈ្នះពិន្ទុដាច់មាន ៦ពិន្ទុ ឈរលេខ១ក្នុងពូលដោយស្វ័យប្រវត្តិ ទោះចាញ់ឬឈ្នះ U22 ឥណ្ឌូណេស៊ី នៅជុំចុងក្រោយក៏ដោយ។ U22 កម្ពុជា បានឡើងទៅវគ្គពាក់កណ្តាលផ្តាច់ព្រ័ត្រ ដោយអាចប៉ះ U22 ថៃ ឬវៀតណាម ដែលមានកៅអីរួចជាស្រេចផងដែរ នៅវគ្គបន្ទាប់នោះ ខណៈក្រុមទាំង២នេះ នឹងត្រូវប៉ះគ្នានាល្ងាចនេះ ដើម្បីដណ្តើមយកលេខ១ ក្នុងពូលA។

ជាមួយគ្នានេះ សម្តេច ហ៊ុន សែន ក៏បានអរគុណបងប្អូនប្រជាពលរដ្ឋដែលគាំទ្រវិស័យកីឡា ជាពិសេសអ្នកដែលបានចូលរួមទស្សនាផ្ទាល់នៅពហុកីឡដ្ឋានជាតិ និងតាមទូរទស្សន៍។ «សូមជូនពរកីឡាបាល់ទាត់ជម្រើសជាតិកម្ពុជា ទទួលបានជោគជ័យថ្មីៗ ជាបន្តបន្ទាប់ទៀត»៕