ឥណ្ឌា ទាក់ទងដៃគូប្រជែងរបស់អាមេរិក ទិញយន្តហោះចម្បាំងជំនាន់ចុងក្រោយ

2019-02-26 06:32:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមសារព័ត៌មានរុស្ស៊ី TASS កាលពីថ្ងៃទី២៥ ខែកុម្ភៈ ឆ្នាំ២០១៩ បានរាយការណ៍ថា ឥណ្ឌា និងរុស្ស៊ី កំពុងចរចាដើម្បីឈានដល់កិច្ចព្រមព្រៀង ទិញយន្តហោះចម្បាំងជំនាន់ចុងក្រោយ Su-57 របស់ក្រុមហ៊ុនរដ្ឋរុស្ស៊ី Rostec ។

Su-57

លោក Viktor Kladov នាយកក្រុមហ៊ុន Rostec ទទួលបន្ទុកកិច្ចសហប្រតិបត្តិការអន្តរជាតិនិងគោលនយោបាយតំបន់ ត្រូវបានដកស្រង់សម្ដីថា ក្រុងមូស្គូ នឹងបន្តលក់យន្តហោះចម្បាំងជំនាន់ទី៤+ និង ៤++ ទៅឲ្យកងទ័ពឥណ្ឌា និងកំពុងចរចាពីលទ្ធភាពក្នុងការលក់យន្តហោះចម្បាំងជំនាន់ទី៥ ផងដែរ។

ប្រភពបន្តថា ឥណ្ឌា បានបង្ហាញការចាប់អារម្មណ៍លើយន្តហោះចម្បាំង Su-57 តែរដ្ឋាភិបាលក្រុងញូវដេលី នឹងរៀបចំយុទ្ធសាស្ត្ររបស់ខ្លួន សម្រាប់ការអភិវឌ្ឍកងទ័ពអាកាសជាមុនសិន។ ដោយឥណ្ឌា នឹងពិនិត្យមើលលទ្ធភាពនៃយន្តហោះ Su-57 ថាតើអាចសក្ដិសមនឹងយុទ្ធសាស្ត្ររបស់ខ្លួនឬយ៉ាងណា មុននឹងសម្រេចចិត្តទិញ ឬ បង្កើនការផលិតប្រភេទ Su-30MKI នៅក្នុងប្រទេសឥណ្ឌាផ្ទាល់តែម្ដង ក្រោមអាជ្ញាបណ្ណមួយរបស់រុស្ស៊ី។

សូមជម្រាបថា Su-57 ជាប្រភេទយន្តហោះដែលមានសមត្ថភាពក្នុងការគេចពីរ៉ាដាសត្រូវ។ វាអាចហៅម្យ៉ាងទៀតថា T-50 ដែលមានកន្លែងបញ្ជាមួយសម្រាប់ពីឡុតម្នាក់ បំពាក់ម៉ាស៊ីនចំនួន ២ ធ្វើឲ្យ Su-57 មានល្បឿនលឿនជាងសំឡេង។ បច្ចុប្បន្ន Su-57 ត្រូវបានប្រៀបធៀបនឹងយន្តហោះចម្បាំង F-22 របស់សហអាមេរិក៕