គិតត្រឹមចុងខែកុម្ភៈ ឆ្នាំ២០១៩ គេហទំព័រ .kh មានចំនួនប៉ុន្មាន?

2019-03-05 06:30:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមរបាយការណ៍របស់និយ័តករទូរគមនាគមន៍កម្ពុជា ដែលចុះផ្សាយកាលពីពេលថ្មីៗនេះ បានបង្ហាញថា គិតត្រឹមដំណាច់ខែកុម្ភៈ ឆ្នាំ២០១៩ គេហទំព័រ .kh មានចំនួនសរុប ៣៤៦១។

ក្នុងនោះមានតទៅ៖

គេហទំព័ររបស់បណ្ដាញក្រុមហ៊ុន (.com.kh) មានចំនួន ២៧៣៩
គេហទំព័ររបស់បណ្ដាក្រសួង ស្ថាប័នរដ្ឋ (.gov.kh) មានចំនួន ២១៧
គេហទំព័ររបស់គ្រឹះស្ថានអប់រំ (.edu.kh) មានចំនួន ២២៨
គេហទំព័ររបស់បណ្ដាអង្គការ (.org.kh) មានចំនួន ២២៨
គេហទំព័ររបស់បណ្ដាក្រុមហ៊ុនទូរគមនាគមន៍ (.net.kh) មានចំនួន ៤០ និងដទៃទៀត មានចំនួន ១០។

របាយការណ៍បានឲ្យដឹងដែរថា៖

១- ចំនួនទូរស័ព្ទចល័ត សរុប ១៩ ៤៩៨ ៨៣១ ស៊ីមកាត ត្រូវនឹង ១១៧% ធៀបជាមួយចំនួនប្រជាជនសរុប ដែលប្រតិបត្តិការដោយ ៦ ក្រុមហ៊ុន។

២- ចំនួនទូរស័ព្ទអចល័ត (ប្រើប្រាស់ខ្សែ និងឥតប្រើប្រាស់ខ្សែ) សរុប ៨៦៣៥៤ នាក់ ត្រូវនឹង ០,៥២% ធៀបជាមួយចំនួនប្រជាជនសរុប ដែលប្រតិបត្តិការដោយ ៧ ក្រុមហ៊ុន។

៣- ចំនួនអ៊ីនធឺណិតចល័ត សរុប ១៣ ៦៨៧ ១៥៧ ស៊ីមកាត ត្រូវនឹង ៨២,៦១% ធៀបជាមួយចំនួនប្រជាជនសរុប ដែលប្រតិបត្តិការដោយ ៧ ក្រុមហ៊ុន (ក្រុមហ៊ុនទូរសព្ទចល័តចំនួន ៦ ក្នុងចំណោម ៧ នេះ គឺជាអ្នកផ្តល់សេវាអ៊ីនធឺណិតចល័តនេះ)។

៤- ចំនួនអ៊ីនធឺណិតអចល័ត សរុប ១៧២៤១៤ នាក់ ត្រូវនឹង ១,០៤% ធៀបជាមួយចំនួនប្រជាជនសរុប ដែលប្រតិបត្តិការដោយ ៣៤ ក្រុមហ៊ុន។

៥- គណនីបណ្ដាញសង្គមហ្វេសប៊ុក មានចំនួនសរុបប្រមាណជា ៧ លានគណនី៕