សត្វជាង ២៥០ប្រភេទ ដែលកំពុងរស់នៅតំបន់រ៉ាមសារ-ស្ទឹងត្រែង
- 2019-03-13 04:04:48
- ចំនួនមតិ 0 | ចំនួនចែករំលែក 0
សត្វជាង ២៥០ប្រភេទ ដែលកំពុងរស់នៅតំបន់រ៉ាមសារ-ស្ទឹងត្រែង
ចន្លោះមិនឃើញ
ក្រសួងបរិស្ថាន បានឱ្យដឹងកាលពីថ្ងៃទី១២ ខែមីនាថា បច្ចុប្បន្ននៅតំបន់រ៉ាមសារ-ស្ទឹងត្រែង មានប្រភេទសត្វស្លាប ចំនួន ៩២ប្រភេទកំពុងរស់នៅដូចជា៖ ក្ងោក, ត្រយ៉ងចង្កំ ក ស, ទាទឹក, មាន់ទឹក, ចាបរំពេ, មាន់ព្រៃសត្វគេងកង, មាន់ទឹក, ក្អែកទឹក និងអាអូឌជាដើម។ ចំណែកថនិកសត្វមានចំនួន ២១ប្រភេទ, សត្វឧរង្គសត្វចំនួន៣ប្រភេទ, ប្រភេទថលផលិក ៦ប្រភេទ និងត្រី ចំនួន១៣០ប្រភេទ។
ក្រសួងបន្តថា ក្នុងអំឡុងដើមឆ្នាំ២០១៩នេះ សត្វក្អែកទឹករាប់ម៉ឺនក្បាល មានវត្តមានក្នុងតំបន់រ៉ាមសារ-ស្ទឹងត្រែង ដោយបានយកទីតាំងព្រៃលិចទឹក ធ្វើជាទីជម្រកស្នាក់អាស្រ័យយ៉ាងសុខសាន្ត។
លោក អេង ភីរុង ប្រធានមន្ទីរបរិស្ថានខេត្តស្ទឹងត្រែង បានឱ្យដឹងថា តំបន់រ៉ាមសារ-ស្ទឹងត្រែង បង្កើតឡើងដោយព្រះរាជក្រម ចុះថ្ងៃទី២៤ខែ ធ្នូ ឆ្នាំ១៩៩៦ និងគ្របដណ្តប់លើផ្ទៃដី១៤៦០០ហិកតា។ តំបន់ការពារធម្មជាតិមួយនេះ មានលក្ខណៈសំខាន់ជាតិ និងអន្តរជាតិ ហើយជាទីជម្រកដ៏ប្រសើរសម្រាប់ជីវចម្រុះ។
លោក អេ ភិរុង បានបញ្ជាក់បន្ថែមថា តំបន់រ៉ាមសារ-ស្ទឹងត្រែង កំពុងទទួលបានការការពារ និងការអភិរក្សដោយមន្រ្តីឧទ្យានុរក្ស សហការជាមួយអាជ្ញាធរ និងសហគមន៍មូលដ្ឋាន៕