លោក ប្រាយុទ្ធ ចេញមុខការពារគណៈកម្មការរៀបចំការបោះឆ្នោត

2019-04-01 09:00:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកនាយករដ្ឋមន្រ្តីថៃ ប្រាយុទ្ធ ចាន់អូចា នៅថ្ងៃទី១ ខែមេសា ឆ្នាំ២០១៩នេះ បានចេញមកការពារគណៈកម្មការរៀបចំការបោះឆ្នោត ក្រោយគណៈកម្មការនេះ រងការចោទប្រកាន់យ៉ាងខ្លាំងជុំវិញភាពមិនប្រក្រតីនៃការបោះឆ្នោតកាលពីសប្តាហ៍មុន។

លោក ប្រាយុទ្ធ ពេលចូលរួមបោះឆ្នោត (រូបថត៖ ផ្តល់សិទ្ធិដោយ Reuters)

លោក ប្រាយុទ្ធ លើកឡើងថា គណៈកម្មការបោះឆ្នោត បានផ្តល់ការបកស្រាយរួចមកហើយ។ «**វាជាការងាររបស់ពួកគេ សូមស្តាប់ពួកគេផង។ ប្រជាជនគួរតែយល់ដឹងពីនីតិវិធីរបស់រដ្ឋាភិបាល នៅពេលដែលពួកគេចង់ចូលរួមក្នុងអ្វីមួយ។ សូមស្វែងយល់ពីប្រព័ន្ធនេះផង។ សូមកុំបង្កភាពស្មុគស្មាញជាងនេះទៀតអី**»។

ការថ្លែងខាងលើនេះ ខណៈដែលមានញត្តិជាច្រើនដែលធ្វើឡើងជាសាធារណៈ ក្នុងនោះរួមមានទាំងក្រុមប្រឹក្សានិស្សិត ដែលមានសមាសភាពមកពីសាកលវិទ្យាល័យជាច្រើន បានប្តឹងគណៈកម្មការរៀបចំការបោះឆ្នោតនេះ អំពីភាពមិនប្រក្រតីនៃការបោះឆ្នោត និងការពន្យារពេលចេញផ្សាយលទ្ធផលបោះឆ្នោតបឋមជាដើម៕