ចាន់ រតនា ឡើងប្រកួតនៅ ONE ជាថ្មី ប៉ះជើងខ្លាំងមិនដែលចាញ់ម្នាក់ទៀត

2019-04-10 06:18:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កីឡាករគុនខ្មែរ ចាន់ រតនា នឹងឡើងប្រកួតជាថ្មីនៅទ្រុង ONE Championship នាថ្ងៃទី៣ ខែឧសភាខាងមុខនេះ នៅក្នុងព្រឹត្តិការណ៍ ONE: FOR HONOR នៅទីក្រុងហ្សាការតា ប្រទេសឥណ្ឌូណេស៊ី។ គូប្រកួតរបស់កីឡាករមកពីក្លឹបសិល្បៈ (Selapak) រូបនេះ គឺកីឡាករម្ចាស់ផ្ទះឥណ្ឌូណេស៊ី Rudy Agustian ដែលមានប្រវត្តិប្រកួត MMA មិនដែលចាញ់សោះ និងជាកីឡាករដែលទើបផ្ដួលកីឡាករកម្ពុជា ខុន ស៊ីចាន់ ក្នុងទឹកទី១ កាលពីខែកុម្ភៈកន្លងទៅ។

ចាន់ រតនា ហ្វឹកហាត់ត្រៀមប្រកួត នាពេលកន្លងមក

រតនា ធ្លាប់មានប្រវត្តិប្រកួតនៅ ONE ចំនួន ៧ដង ដោយទទួលលទ្ធផលឈ្នះ ៤ដង និងចាញ់ ៣ដង។ អ្វីដែលគួរឲ្យចាប់អារម្មណ៍ គឺក្នុងប្រកួតចុងក្រោយកាលពីខែធ្នូ ឆ្នាំមុន រតនា បានវាយកីឡាករឥណ្ឌូណេស៊ី Abro Fernandes ឲ្យស្គាល់បរាជ័យលើកដំបូងក្នុងអាជីពផងដែរ។

ចំណែកដៃគូរបស់រតនាថ្មីនេះ ក៏ជាកីឡាករដែលមិនធ្លាប់ស្គាល់ពាក្យថា "ចាញ់" ក្នុងអាជីព MMA ដែរ។ Rudy Agustian ធ្លាប់ប្រកួតនៅក្នុងទ្រុង ONE Championship ៣ដង ដែលក្នុងនោះ ប្រកួតចុងក្រោយឈ្នះកីឡាករគុនខ្មែរ ខុន ស៊ីចាន់ ដោយប្រើក្បាច់ក្លេក្នុងទឹកទី១ នៅប្រទេសសិង្ហបុរី កាលពីខែកុម្ភៈ ឆ្នាំ២០១៩។

ចាន់ រតនា ពេលប៉ះ Abro Fernandes (រូបភាព៖ ONE Championship)

សូមបញ្ជាក់ថា ក្រៅពីចាន់ រតនា ក៏មានកីឡាការិនីកម្ពុជាមួយរូបទៀតដែរ គឺ នៅ ស្រីពៅ មកពីក្លឹប Cambodian Top Team របស់លោកគ្រូ ហ៊ុន ច័ន្ទរាជ្យ ប៉ះកីឡាការិនីម្ចាស់ផ្ទះ Priscilla Hertati Lumban Gaol ក្នុងវិញ្ញាសា MMA ដូចរតនាដែរ។

គូប្រកួតទាំងអស់ មានដូចខាងក្រោម៖