ក្រុមហ៊ុនចិន ចំនួន១២ ដាក់ទុនវិនិយោគសរុបជិត ៩ពាន់លានដុល្លារ នៅខេត្តកំពង់ស្ពឺ
- 2019-04-11 03:08:59
- ចំនួនមតិ 0 | ចំនួនចែករំលែក 0
ក្រុមហ៊ុនចិន ចំនួន១២ ដាក់ទុនវិនិយោគសរុបជិត ៩ពាន់លានដុល្លារ នៅខេត្តកំពង់ស្ពឺ
ចន្លោះមិនឃើញ
ក្នុងរយៈពេលដ៏ខ្លីខាងមុខនេះ ក្រុមហ៊ុនចិនចំនួន ១២ នឹងមកវិនិយោគនៅក្នុងប្រទេសកម្ពុជា ដោយជ្រើសយកខេត្តកំពង់ស្ពឺ ធ្វើជាទីតាំងសម្រាប់បង្កើតជារោងចក្រ ដែលអាចបង្កើតការងារដល់កម្មករប្រមាណ ១២ម៉ឺននាក់។
លោកវ៉ី សំណាង អភិបាលខេត្តកំពង់ស្ពឺ បានប្រាប់កាសែតរស្មីកម្ពុជាថា កាលពីរសៀលថ្ងៃទី១០ ខែមេសា ឆ្នាំ២០១៩ ក្រុមហ៊ុនទាំង ១២ នោះ រួមមាន៖
១. ក្រុមហ៊ុន Speedy Global កាត់ដេរសម្លៀកបំពាក់ ត្រូវការកម្លាំងពលកម្មសរុប ៨០០០នាក់ ព្រមទាំងដាក់ស្លាក (Logo)លើអាវខាងមុខថា Cambodia និងកំពង់ស្ពឺ ដើម្បីនាំចេញទៅសហគមន៍អឺរ៉ុប។
២. ក្រុមហ៊ុនផលិតតំណាប់ផ្លែឈើ
៣. ក្រុមហ៊ុនផលិតស្លាកសញ្ញាសម្លៀកបំពាក់
៤.ក្រុមហ៊ុនអចលនទ្រព្យ
ក្រុមហ៊ុនទាំង ៣ (លេខ ២ ដល់លេខ ៤) ដំឡើងតែមួយកន្លែង ហើយត្រូវការកម្លាំងពលកម្មសរុប ២៤០០០នាក់។
៥. ក្រុមហ៊ុនទូរសព្ទ OPPO និងក្រុមហ៊ុនទូរសព្ទ VIVO (ទាំងពីរក្រុមហ៊ុននេះត្រូវសាងសង់អគារកម្ពស់ ១០០ម៉ែត្រ ទៅ២០០ម៉ែត្រ។
៦. ក្រុមហ៊ុន គូឡុង ផលិតសម្លៀកបំពាក់កូនក្មេង ត្រូវការកម្លាំងពលកម្ម ៩០០០នាក់។
៧. ក្រុមហ៊ុនហ្វីចូវ នៅក្រុងហ្វីចូវផលិតអាវចាក់ ត្រូវការកម្មករសរុប ១៥០០០នាក់។ ក្រុមហ៊ុននេះនឹងទៅដំឡើងនៅខេត្តកំពង់ស្ពឺ ហើយយកម៉ាស៊ីនស្វ័យប្រវត្តិចំនួន ១០០០គ្រឿង ដែលមានតម្លៃ ប្រមាណ ៣៥០០លានដុល្លារ។
៨. អគារពាណិជ្ជកម្មនៅក្រុងច្បារមន ដែលប្រើប្រាស់ទុនវិនិយោគ ប្រមាណ ៥០០លានដុល្លារ។
៩. ក្រុមហ៊ុន ហ័រ សេងដា ជាក្រុមហ៊ុនផលិតខ្សែរូត ដែលកំពុងដំណើរការនៅក្នុងក្រុងច្បារមន នឹងពង្រីកទីតាំងមួយកន្លែងទៀត នៅក្នុងខេត្តកំពង់ស្ពឺដដែល។ ផលិតផលនេះនាំចេញទៅសហគមន៍អឺរ៉ុប និងអាមេរិក។
១០. ក្រុមហ៊ុនផលិតស្បែកជើង
១១. ក្រុមហ៊ុនផលិតកាបូប
១២. ក្រុមហ៊ុនផលិតឈុតរាត្រី។
លោកវ៉ី សំណាង បានបន្តថា ក្រុមហ៊ុនចំនួន១២ ប្រើប្រាស់កម្លាំងពលកម្មសរុបជាង១២ម៉ឺននាក់ និងប្រើប្រាស់ទុនវិនិយោគប្រមាណជាង ៩ពាន់លានដុល្លារ ។ អ្នកដែលបញ្ជារទិញមាន អាមេរិក អង់គ្លេស និងសហគមន៍អឺរ៉ុប បានទាមទារលក្ខខណ្ឌឲ្យផលិតចេញពីខេត្តកំពង់ស្ពឺតែម្តង។ លោកបន្តទៀតថា ទាំងនេះគឺកើតចេញពីការខិតខំប្រឹងប្រែង និងទុកចិត្តលើការដឹកនាំរបស់សម្តេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា៕