Ajax ធ្វើឲ្យ Ronaldo ធ្លាក់ចេញពី Champions League ជាលើកដំបូង ក្នុងរយៈពេល ៤ឆ្នាំ

2019-04-16 23:31:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Ajax បានបន្តដំណើរទៅកាន់វគ្គពាក់កណ្ដាលផ្ដាច់ព្រ័ត្រ UEFA Champions League យ៉ាងគួរឲ្យភ្ញាក់ផ្អើល ក្រោយយកឈ្នះ Juventus ២-១ ក្នុងជើងទី២ វគ្គ៨ក្រុមចុងក្រោយ កាលពីយប់មិញ ក្រោយស្មើគ្នា ១-១ កាលពីជើងទី១។

កីឡាករ Ajax អបអរក្រោយជ័យជម្នះ (រូបភាពផ្ដល់សិទ្ធិដោយ Reuters)

នៅក្នុងការប្រកួតនេះ Cristiano Ronaldo ដែលធ្លាប់ឈ្នះពានរង្វាន់នេះ ៥ដង បានតែតបញ្ចូលទី នៅនាទី ២៨ ឲ្យក្រុមម្ចាស់ផ្ទះសេះបង្កង់ នាំមុខមុន ១-០។ ប៉ុន្តែ Donney van de Beck បានស៊ុតទម្លុះ Wojciech Szczesny តាមស្មើវិញ នៅនាទី៣៤។ ចូលតង់ទី២ នាទី ៦៧ De Ligt បានតែតបញ្ចូលទី ឲ្យក្រុមមកពីហូឡង់ បញ្ចប់ដំណើររបស់ក្រុមជើងឯកអ៊ីតាលី ដោយលទ្ធផល ២-១។

Ronaldo សោកស្ដាយក្រោយការប្រកួត (រូបភាពផ្ដល់សិទ្ធិដោយ Reuters)

សូមបញ្ជាក់ថា នេះជាលើកដំបូងដែល Ajax បានឡើងទៅដល់វគ្គពាក់កណ្ដាលផ្ដាច់ព្រ័ត្រ UCL គិតចាប់ពីឆ្នាំ ១៩៩៧ មក ពោលគឺជំនាន់កីឡាករ Danny Blind ដែលជាឪពុករបស់ Daley Blind កីឡាករបច្ចុប្បន្នរបស់ Ajax។

លទ្ធផលមួយគូទៀត គឺ Barcelona ៣-០ Manchester United (សរុបទាំង២ជើង ៤-០)៕

សូមទស្សនាវីដេអូហាយឡាយខាងក្រោមនេះ៖