គ្រោះថ្នាក់ចរាចរណ៍នៅខេត្តព្រះសីហនុ៖ រថយន្តដឹកអ្នកដំណើរ បុករបងផ្ទះពលរដ្ឋ ស្លាប់ និងរបួស ជាង ២០នាក់
- 2019-04-20 02:02:40
- ចំនួនមតិ 0 | ចំនួនចែករំលែក 0
គ្រោះថ្នាក់ចរាចរណ៍នៅខេត្តព្រះសីហនុ៖ រថយន្តដឹកអ្នកដំណើរ បុករបងផ្ទះពលរដ្ឋ ស្លាប់ និងរបួស ជាង ២០នាក់
ចន្លោះមិនឃើញ
គ្រោះថ្នាក់ចរាចរណ៍មួយ បានសម្លាប់មនុស្សចំនួន ២នាក់ និង ២០នាក់បានរងរបួស (ធ្ងន់ ៧នាក់, ស្រាល ១៣នាក់) ដោយរថយន្តដឹកអ្នកដំណើរ បានបើកបុករបងផ្ទះប្រជាពលរដ្ឋ ព្រមទាំងបង្គោលភ្លើង។ ហេតុការណ៍នេះ កើតឡើងកាលពីយប់ថ្ងៃទី១៩ ខែមេសា ឆ្នាំ២០១៩ នៅលើផ្លូវបេតុង ត្រង់ចំណុច ជិតរោងចក្រទឹកកកអូរពីរ ស្ថិតក្នុង ភូមិ៥ សង្កាត់លេខ៤ ក្រុង/ខេត្តព្រះសីហនុ។
យោងតាមរបាយការណ៍របស់ប៉ូលិសបានឲ្យដឹងថា ករណីគ្រោះថ្នាក់ចរាចរណ៍នេះ បង្កដោយខ្លួនឯង គឺរថយន្ត ០១គ្រឿងម៉ាក SSANGYONG ពណ៌ ស ពាក់ផ្លាកលេខ ភ្នំពេញ2Q-8694 អ្នកបើកបរឈ្មោះ អិត វិន ភេទប្រុស អាយ ២៩ឆ្នាំ មុខរបរ រត់តាក់ស៊ី មានទីលំនៅ ស្រុកភ្នំក្រវ៉ាញ ខេត្តពោធិ៍សាត់។ អ្នករួមដំណើរ មានចំនួន ២១នាក់ ស្រី ៥នាក់ (អ្នករួមដំណើរទាំងអស់មានទីលំនៅភូមិតាសាល ឃុំផ្ទះរ៉ុង ស្រុកភ្នំក្រវ៉ាញ ខេត្តពោធិ៍សាត់ មុខរបរ កម្មករសំណង់) មានទិសដៅចុះចំណោត ពីជើង ឆ្ពោះទៅ ត្បូង លុះមកដល់ចំណុចខាងលើ រថយន្តហ្រ្វាំងមិនស៊ី បានជ្រុលទៅបុកនឹងរបងផ្ទះ ព្រមទាំងបង្គោលភ្លើងអស់ ១ដើម ។
គ្រោះថ្នាក់នេះបណ្ដាលឲ្យស្លាប់មនុស្សចំនួន ២នាក់ រងរបួសធ្ងន់មនុស្សចំនួន ៧នាក់ និងរងរបួសស្រាលមនុស្សចំនួន ១៣នាក់។ រីឯវត្ថុតាង រថយន្ត ០១គ្រឿង សមត្ថកិច្ចយកមករក្សារទុកនៅ ការិយាល័យនគរបាលចរាចរណ៍ផ្លូវគោក៕