៣ វិនាទី អាចឆែកមើល ក្នុងខ្លួនមានជាតិទឹកគ្រប់គ្រាន់ឬអត់

2019-04-22 02:51:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អាកាសធាតុក្ដៅបានឈានចូលមកដល់ រឿងដែលចាំបាច់បំផុតគឺត្រូវបំពេញជាតិទឹកឲ្យបានគ្រប់គ្រាន់ដល់រាងកាយ ដើម្បីបង្ការផលប៉ះពាល់មួយចំនួនកើតមានដោយសារខ្វះជាតិទឹក។ ប៉ុន្តែ ធ្វើបែបណាទើបដឹងថារាងកាយរបស់អ្នកមានជាតិទឹកគ្រប់គ្រាន់នោះ?

ខាងក្រោមនេះជាវិធីសាកល្បងមើល ថាក្នុងខ្លួនរបស់អ្នកមានជាតិទឹកគ្រប់គ្រាន់ឬក៏អត់ ដែលជាការណែនាំពីអ្នកជំនាញ ហើយវាប្រើពេលត្រឹមតែ ៣ វិនាទីប៉ុណ្ណោះ ៖

ប្រើម្រាមដៃពីរ ចាប់ទាញស្បែកដែលស្ថិតនៅលើខ្នងដៃ ឬ ស្បែកលើឆ្អឹងដងកាំបិត ឬស្បែកលើពោះក៏បាន

ក្រោយពីទាញបានប៉ុន្មានវិនាទីរួចហើយ ព្រលែងដៃវិញ

ផ្អែកតាម Medline Plus នៃបណ្ណាល័យឱសថជាតិសហរដ្ឋអាមេរិកបានឲ្យដឹងថា ប្រសិនបើស្បែកអ្នកត្រឡប់មកដូចដើមវិញភ្លាមៗ គ្មានអ្វីគួរឲ្យព្រួយបារម្ភនោះទេ ព្រោះវាយមានន័យថារាងកាយអ្នកមានជាតិទឹកគ្រប់គ្រាន់។ យ៉ាងណាក្ដី ប្រសិនបើស្បែកត្រូវការពេលប៉ុន្មានវិនាទី ឬ ប៉ុន្មាននាទីដើម្បីត្រឡប់មកសភាពដើមវិញនោះ ជាសញ្ញាបង្ហាញថារាងកាយរបស់អ្នកមានជាតិទឹកមិនគ្រប់គ្រាន់ ត្រូវបំពេញជាតិទឹកបន្ថែម៕

ប្រភព៖ VNReview ប្រែសម្រួល៖ សុខហេង