អ្នកម្ដាយរបស់ Ronaldo បង្ហោះសារអបអរ Juventus តែក្លាយជាសារបែបកំប្លែងដែលគេយកទៅ Troll

2019-05-07 02:29:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកស្រី Dolores Aveiro ដែលជាអ្នកម្ដាយរបស់ Cristiano Ronaldo បានបង្ហោះសារអបអរកូនប្រុស ដែលបានជួយក្លឹប Juventus ឈ្នះពានលីគកំពូលអ៊ីតាលី។ ប៉ុន្តែសាររបស់អ្នកស្រី បានធ្វើឲ្យអ្នកគាំទ្របាល់ទាត់ផ្ទុះសំណើចទៅវិញ។

អ្នកស្រី Dolores Aveiro

អ្នកស្រី បានសរសេរលើ Twitter ជាភាសាព័រទុយហ្គាល់ថា៖ "Meu orgulho, meu filho" ដែលមានន័យថា "កូនរបស់ខ្ញុំ! មោទនភាពរបស់ខ្ញុំ"។

បន្ថែមលើសារនោះ អ្នកស្រីបានបង្ហោះរូបភាព ដែលមានសរសេរអក្សរពីលើរូបថា៖ "Cristiano, ese jugador que rescato a la Juventus del descenso e hizo que volvieran a gunar una liga despues de casi 20 anos de sequia. Inncreible"។ សារនេះ មានន័យថា៖ "'Cristiano, ជាកីឡាករដែលបានជួយស្រោចស្រង់ Juventus មិនឲ្យកាត់ចេញពីលីគកំពូល ហើយជួយឲ្យក្លឹបនេះ ឈ្នះជើងឯកលីគ ក្រោយខកខានឈ្នះស្ទើរតែជិត ២០ឆ្នាំមកហើយ។ ពិតជាមិនគួរឲ្យជឿមែន"។

សាររបស់អ្នកស្រី Dolores Aveiro នៅលើ Twitter

សារនេះហើយ ដែលបានធ្វើឲ្យអ្នកគាំទ្របាល់ទាត់ នាំគ្នាសើច និងយកទៅ Troll កម្សាន្តលេង ដោយសារតែ Juventus ជាក្រុមដែលឈ្នះជើងឯកអ៊ីតាលី ស្ទើរតែគ្រប់រដូវកាលទៅហើយ មិនមែនខកខានឈ្នះជិត ២០ឆ្នាំនោះឡើយ។

សូមបញ្ជាក់ថា Ronaldo បានរួមចំណែកយ៉ាងច្រើន ជួយឲ្យ Juventus ក្លាយជាជើងឯកអ៊ីតាលីជាថ្មី ក្រោយស៊ុតបញ្ចូលទី ២១គ្រាប់។ ២១គ្រាប់នេះ ធ្វើឲ្យ Ronaldo ស្ថិតនៅលំដាប់ទី៣ ក្នុងតារាង Top Scorer ពីក្រោមកីឡាករ Fabio Quagliarella របស់ Sampdoria (២៥គ្រាប់) និង Duvan Zapata របស់ Atalanta (២២គ្រាប់)។ សល់ ៣ប្រកួតចុងក្រោយ គេរំពឹងថា Ronaldo នឹងអាចស៊ុតបញ្ចូលទីថែមទៀត ដើម្បីប្រជែងយកតំណែងអ្នកស៊ុតបញ្ចូលទីច្រើនជាងគេ ក្នុងរដូវកាលដំបូងរបស់ខ្លួននៅអ៊ីតាលី៕