សត្វកម្រ "សំពោចភ្នំ" នៅខេត្តមណ្ឌលគិរី ទទួលបានការចាប់អារម្មណ៍ពីភ្ញៀវអូស្ត្រាលី និងអាហ្វ្រិកខាងត្បូង

2019-05-07 03:31:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អង្គការ WCS បានឱ្យដឹងកាលពីថ្ងៃទី៦ ខែឧសភា ឆ្នាំ២០១៩ថា ភ្ញៀវទេសចរមកពីប្រទេសអូស្ត្រាលី និងអាហ្វ្រិកខាងត្បូង មានការចាប់អារម្មណ៍ខ្លាំងលើ "សត្វសំពោចភ្នំ ឬឈ្មុសប្រែង" ដែលជាប្រភេទសត្វដ៏កម្រមួយ ក្នុងអំឡុងពេលពួកគាត់បានទៅទស្សនាជំរំចាហ៊ូហ្គីបឹន (Jahoo Gibbon) ស្ថិតនៅក្នុងដែនជម្រកសត្វព្រៃកែវសីមា ខេត្តមណ្ឌលគីរី កាលពីខែមេសាកន្លងទៅ។

រូបដែលបង្ហោះនៅលើទំព័រហ្វេសប៊ុកអង្គការ WCS

ប្រភេទសត្វនេះ ត្រូវបានកត់ត្រាក្នុងបញ្ជីក្រហមរបស់អង្គការ IUCN ជាប្រភេទសត្វដែលកំពុងទទួលរងការគំរាមកំហែង។ មានមនុស្សតិចតួចណាស់ដែលមានឱកាសបានឃើញវា។

រូបនេះ ថតដោយលោក ស៊ាន ម៉ារឌី ជាបុគ្គលិកមជ្ឈមណ្ឌលសំវាសនា។ រូបនេះបង្ហាញអំពីសកម្មភាពរបស់វានៅពេលថ្ងៃ ដែលតាមធម្មតា វាបង្ហាញខ្លួនតែនៅពេលយប់ឬពេលថ្ងៃហៀបលិចប៉ុណ្ណោះ។

បើតាមអង្គការ WCS សត្វសំពោចភ្នំ ស៊ីគ្រាប់ផ្លែឈើជាអាហារ ជាពិសេស ផ្លែល្វា។ សត្វនេះ ទាំងញីទាំងឈ្មោល មានក្រពេញផលិតក្លិនម៉្យាងដែលធ្វើឲ្យខ្លួនវាធំក្លិនដូចពោតលីង៕

អត្ថបទ៖ សំភី