រដ្ឋមន្រ្តីមហាផ្ទៃ នឹងអញ្ជើញជាអធិបតីក្នុងពិធីប្តូរផ្លាស់មុខតំណែងអភិបាលខេត្តបន្ទាយមានជ័យ នៅថ្ងៃ១០ឧសភា
- 2019-05-08 06:25:46
- ចំនួនមតិ 0 | ចំនួនចែករំលែក 0
រដ្ឋមន្រ្តីមហាផ្ទៃ នឹងអញ្ជើញជាអធិបតីក្នុងពិធីប្តូរផ្លាស់មុខតំណែងអភិបាលខេត្តបន្ទាយមានជ័យ នៅថ្ងៃ១០ឧសភា
ចន្លោះមិនឃើញ
ការរៀបចំពិធីប្រកាសផ្ទេរភារកិច្ច និងតែងតាំងមុខតំណែងអភិបាល អភិបាលរងនៃខេត្តបន្ទាយមានជ័យ នឹងធ្វើឡើងនាព្រឹកថ្ងៃទី១០ ខែឧសភា ឆ្នាំ២០១៩ នៅសាលប្រជុំសាលាខេត្ត ក្រោមអធិបតីភាពសម្តេច ស ខេង ឧបនាយករដ្ឋមន្ត្រី រដ្ឋមន្រ្តីក្រសួងមហាផ្ទៃ។ នេះបើតាមសេចក្តី ជូនដំណឹងរបស់អគ្គនាយកដ្ឋានរដ្ឋបាល ក្រសួងមហាផ្ទៃ។
សូមជម្រាបថា នៅថ្ងៃទី៨ ខែឧសភា ឆ្នាំ២០១៩នេះ សម្តេចនាយករដ្ឋមន្រ្តី ហ៊ុន សែន បានធ្វើលិខិតទូលថ្វាយស្នើសុំព្រះមហាក្សត្រ ផ្ទេរភារកិច្ចលោក សួន បវរ ពីអភិបាលខេត្តបន្ទាយមានជ័យ ឱ្យមកបម្រើការងារនៅទីស្តីការក្រសួងមហាផ្ទៃ ដើម្បីទទួលភារកិច្ចថ្មី។
ប្រមុខរាជរដ្ឋាភិបាលលើកឡើងថា ការស្នើសុំផ្ទេរភារកិច្ច និងតែងតាំងមុខតំណែងខាងលើនេះ គឺផ្អែកតាមសេចក្តីត្រូវការចាំបាច់របស់រាជរដ្ឋាភិបាល ដោយបានពិនិត្យទៅលើលក្ខណៈសម្បត្តិ សមត្ថភាព និងបទពិសោធន៍ការងាររបស់មន្រ្តីរាជការ ព្រមទាំងដើម្បីលើកកម្ពស់ប្រសិទ្ធភាពការដឹកនាំ និងការគ្រប់គ្រងការងាររដ្ឋបាលខេត្តបន្ទាយមានជ័យឱ្យមានដំណើរការល្អប្រសើរ៕