ប្រទេស​ហ្វីលីពីន​ កំពុងត្រៀម​បញ្ជូន​សំរាម​ទៅប្រទេស​កាណាវិញ នៅត្រឹមថ្ងៃទី១៥ ខែឧសភា ឆ្នាំ​២០១៩​ខាងមុខនេះ ដោយ​កាណាដា បាន​យល់ព្រម​ទទួល​សំរាម​នេះ និងចំណាយ​លើថ្លៃដឹកនេះ​ទាំងអស់។ នេះបើតាម​ការចុះផ្សាយ​របស់​ Fox News កាលពីថ្ងៃទី៧ ខែ​ឧសភា ឆ្នាំ​២០១៩។

មន្រ្តី​ហ្វីលីពីន បាន​និយាយថា ហ្វីលីពីន​ត្រៀម​បញ្ជូន​សំរាម​ចំនួនយ៉ាងហោចណាស់ ៦៩កុងតឺន័រ​​ដែល​ជារបស់​ប្រទេសកាណាដា បាន​យកមក​បោះចោល​ក្នុងប្រទេស​អាស៊ាននេះ។

​សំរាម​ជាង ១០០កុងតឺន័រ ដោយរួមមាន ដបប្លាស្ទីក, ថង់ កាសែត និង​កន្ទោបជាដើមនោះ ត្រូវបានគេដឹងថា បាន​ដឹកចេញពី​កាណាដា ទៅ​ហ្វីលីពីន ចន្លោះពីឆ្នាំ២០១៣ ដល់ ២០១៤។

កាលពីខែ​មេសា​កន្លងទៅ ប្រធានាធិបតី​ហ្វីលីពីន លោក Rodrigo Duterte បានគំរាម​ធ្វើ​សង្គ្រាម​នឹង​កាណាដា ជុំវិញ​រឿង​សំរាម​នេះ។ «ពួកគេ (កាណាដា) គួរតែយកសំរាមទៅវិញ ឬខ្ញុំនឹងនឹង​បញ្ជូនទៅវិញ ខ្ញុំនឹងចាក់សំរាមនៅទីនោះ»៕