ថៃ ឈានដល់កិច្ចព្រមព្រៀងទិញរថពាសដែកជិត ៤០គ្រឿង ពីអាមេរិក

2019-05-17 08:28:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រទេសថៃ បានឈានដល់កិច្ចព្រមព្រៀងទិញរថពាសដែក Stryker ចំនួន៣៧គ្រឿង តម្លៃសរុប ៨០លានដុល្លារ ពីសហរដ្ឋអាមេរិកហើយ។ នេះបើតាមការចុះផ្សាយរបស់បាងកកប៉ុស្តិ៍ កាលពីថ្ងៃទី១៤ ខែឧសភា ឆ្នាំ២០១៩កន្លងទៅ។

រថពាសដែក Stryker (រូបថត៖ វិបសាយ Army Technology)

ប្រភពយោធាថៃ បានឱ្យដឹងថា ការសម្រេចកិច្ចព្រមព្រៀងនេះ ធ្វើឱ្យថៃក្លាយជាប្រទេសទី១ ដែលអាមេរិកលក់រថពាសដែកប្រភេទនេះឱ្យ។ រថពាសដែកកង់៨ M1126 Stryker ត្រូវបានចាត់ចូលថ្នាក់លំដាប់ពិភពលោក ហើយត្រូវបានប្រើប្រាស់ក្នុងសមរភូមិជាច្រើន។ មិនតែប៉ុណ្ណោះ កងទ័ពអាមេរិក នៅតែបន្តប្រើប្រាស់រថពាសដែកប្រភេទនេះ រហូតដល់ឆ្នាំ២០៣០។

សារព័ត៌មានថៃខាងលើ ក៏បានឱ្យដឹងដែរថា កញ្ចប់លុយ ៨០លានដុល្លារនេះ បូកបញ្ចូលទាំងប្រព័ន្ធទំនាក់ទំនង, សព្វាវុធ, រោង, ការអនុវត្តជាក់ស្តែង, គ្រឿងបន្លាស់ និងតំហែទាំ។ លើសពីនេះ អាមេរិក នឹងផ្តល់ឱ្យរថពាសដែក Stryker ចំនួន ២៣គ្រឿង (Free) បន្ថែមទៀត ដើម្បីបង្គ្រប់ដល់ចំនួន ៦០គ្រឿងតែម្តង៕

ប្រភព៖ Bangkokpost ប្រែសម្រួល៖ សំភី