Messi ស៊ុត២គ្រាប់យប់មិញ ឡើងលើសគេ ៤គ្រាប់ ក្នុងបញ្ជីស្បែកជើងមាសទ្វីបអឺរ៉ុប
- 2019-05-20 03:09:51
- ចំនួនមតិ 0 | ចំនួនចែករំលែក 0
Messi ស៊ុត២គ្រាប់យប់មិញ ឡើងលើសគេ ៤គ្រាប់ ក្នុងបញ្ជីស្បែកជើងមាសទ្វីបអឺរ៉ុប
ចន្លោះមិនឃើញ
Lionel Messi បានស៊ុតបញ្ចូលទី២គ្រាប់ម្នាក់ឯង ក្នុងប្រកួតចុងក្រោយនៅ La Liga ដែល Barcelona ស្មើ Eibar ២-២ កាលពីយប់មិញ។
២គ្រាប់បន្ថែមនេះ ធ្វើឲ្យ Messi កើនគ្រាប់បាល់ដល់ ៣៦គ្រាប់ នៅ La Liga សង្ឃឹមកាន់តែខ្ពស់ថានឹងអាចឈ្នះស្បែកជើងមាសទ្វីបអឺរ៉ុប ខណៈ Kylian Mbappe នៅក្លឹប PSG នៅលីគកំពូលបារាំង រកបាន ៣២គ្រាប់ គិតត្រឹមសប្ដាហ៍ទី ៣៧ (នៅ១ប្រកួតចុងក្រោយ)។ បើគិតគ្រាប់ពានរង្វាន់ គឺនេះជាគ្រាប់បាល់ទី ៥០ ក្នុងរដូវកាលនេះ សម្រាប់ Messi។
សូមបញ្ជាក់ថា Messi បានឈ្នះស្បែកជើងមាសទ្វីបអឺរ៉ុប ឬពាន Pichichi trophy ៥ដងរួចមកហើយ ដូច្នេះបើឈ្នះរដូវកាលនេះទៀត កីឡាករវ័យ ៣១ឆ្នាំរូបនេះ នឹងតាមស្មើកំណត់ត្រារបស់ Telmo Zarra របស់ក្លឹប Bilbao ដែលធ្លាប់ឈ្នះ ៦ដង ចន្លោះឆ្នាំ ១៩៤០ ដល់ ១៩៥៥៕
សូមទស្សនាវីដេអូហាយឡាយខាងក្រោមនេះ៖