ក្រុមហ៊ុនចិន កំពុងរៀបចំដាំដុះស្រូវ១ប្រភេទនៅខេត្តកំពង់ធំ ដែលអាចបានផល ៦,៥តោនក្នុង១ហិកតា

2019-05-24 01:50:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកសាស្រ្តាចារ្យ HUANG Ming An តំណាងក្រុមហ៊ុន Jiangsu Long An Agricultural Co., Ltd បានឱ្យដឹងថា ក្រុមហ៊ុនកំពុងរៀបចំដាំដុះស្រូវប្រភេទ Japonica លើផ្ទៃដី ៣០០ហិកតា នៅខេត្តកំពង់ធំ ហើយសង្ឃឹមថានឹងទទួលផលបានជាង ៦,៥ តោនក្នុង១ហិកតា។ លោកថ្លែងឱ្យដឹងដូច្នេះ ក្នុងជំនួបជាមួយលោក វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ កាលពីថ្ងៃទី២៣ ខែឧសភា ឆ្នាំ២០១៩ នៅទីស្តីការក្រសួង។

រូបថត៖ ក្រសួងកសិកម្ម

លោកសាស្រ្តាចារ្យបន្តថា ក្រុមហ៊ុនបានចុះកិច្ចសន្យាជាមួយកសិករដើម្បីសាកល្បងដាំដុះ ហើយបានប្រមូលទិញវិញក្នុងតម្លៃ ១ពាន់រៀលក្នុង១គីឡូក្រាម ដែលស្រូវទាំងនោះបានលក់ចេញទៅប្រទេសវៀតណាម។ អនាគតក្រុមហ៊ុនគ្រោងវិនិយោគបង្កើតរោងម៉ាស៊ីនកិនស្រូវ ស្ថានីយពិសោធន៍ពូជ និងផលិតកម្មដោយផ្ទាល់។

លោករដ្ឋមន្រ្តីបានវាយតម្លៃខ្ពស់ចំពោះសមិទ្ធផលដែលក្រុមហ៊ុនសម្រេចបាន ដោយសារសមិទ្ធផលនេះហើយបានធ្វើឲ្យទីផ្សារស្រូវរបស់កសិករកាន់តែបើកទូលាយ និងរក្សាបាននូវតម្លៃ។ ពាក់ព័ន្ធនឹងការពិសោធន៍ និងផលិតពូជ លោក វេង សាខុន បានបញ្ជាក់ថា ដើម្បីធានាបាននូវបរិមាណផ្គត់ផ្គង់ គុណភាព និងឆ្លើយតបតាមសេចក្តីត្រូវការទីផ្សារ ជាពិសេសស្របតាមយុទ្ធសាស្ត្រអភិវឌ្ឍន៍ផលិតកម្មស្រូវ គឺត្រូវយកវិស័យឯកជនធ្វើជាដៃគូសហការផលិតជាមួយរដ្ឋ៕

អត្ថបទ៖ សំភី