ឈ្នះស្បែកជើងមាស ៦ ដងមែនតែ Messi នៅឈឺចាប់រឿងក្នុងចិត្ត

2019-05-25 01:24:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តំណែងម្ចាស់ស្បែកជើងមាសទ្វីបអឺរ៉ុបរដូវកាល ២០១៨-២០១៩ បានទៅលើ Lionel Messi ដែលរកគ្រាប់បាល់បាន ៣៦ គ្រាប់ច្រើនជាងគេក្នុងចំណោមលីគកំពូលអឺរ៉ុបទាំង ៥ ខណៈ Kylian Mbappe នៅក្លឹប PSG នៅលីគកំពូលបារាំង រកបាន ៣៣ គ្រាប់ ចំណែកកីឡាករវ័យ ៣៦ ឆ្នាំ Fabio Quagliarella លេងឲ្យក្លឹប Sampdoria អ៉ីតាលីរកបាន ២៦ គ្រាប់ឈរនៅលេខ ៣។

Lionel Messi

យ៉ាងណាមិញ Messi បានឆ្លើយតបនឹងសំណួរដែលគេសួរក្នុងសន្និសិតកាសែតថា "និយាយតាមត្រង់ចុះ ខ្ញុំមិនមើលការប្រកួតនោះឡើងវិញសូម្បីម្ដង ហើយក៏មិនគិតរឿងចង់បានស្បែកជើងមាសនោះទេ ផ្ទុយទៅវិញ អ្វីដែលដិតជាប់ចាំមិនភ្លេចដល់ថ្ងៃនេះគឺ ការប្រកួតចាញ់ ROMA ហើយរឿងនោះក៏បានកើតឡើងម្ដងទៀតពេលយើងជួប Liverpool។ ពិតណាស់ យើងមិនចង់ឲ្យវាកើតឡើងច្រំដែលបែបហ្នឹងទេ តែយើងភ្លាត់ឲ្យគេយកឈ្នះបាន។”

Messi ខកចិត្តពេលចាញ់ Livepool

Messi បានឈ្នះស្បែកជើងមាសទ្វីបអឺរ៉ុប ឬពាន Pichichi trophy ៥ដងរួចមកហើយ ដូច្នេះការឈ្នះស្បែកជើងមាសរដូវកាលនេះទៀត ធ្វើឲ្យរូបគេតាមស្មើកំណត់ត្រារបស់ Telmo Zarra របស់ក្លឹប Bilbao ដែលធ្លាប់ឈ្នះ ៦ដង ចន្លោះឆ្នាំ ១៩៤០ ដល់ ១៩៥៥។

កីឡាករវ័យ ៣១ ឆ្នាំរូបនេះបានកាន់កំណត់ត្រាល្អជាច្រើនរដូវកាលនេះ ដោយបានក្លាយជាអ្នកស៊ុតបញ្ចូលទីច្រើនជាងគេទាំងនៅក្របខណ្ឌ Champion League, Laliga, COPA del rey ។ អ្នកបញ្ជូនបាល់ឲ្យមិត្តរួមក្រុមច្រើនជាងគេនៅ Laliga អ្នករកគ្រាប់បាល់តាមរយៈការស៊ុតបាល់ FreeKick ច្រើនជាងគេ(៨គ្រាប់) អ្នករកស៊ុត Hat-trick បានច្រើនជាងគេ(៤ ដង) ផងដែរ៕