ប៉ូលិស ចាប់ខ្លួនស្ត្រី២នាក់ ក្នុងករណីជួញដូរគ្រឿងញៀនឆ្លងដែនជាង៧គីឡូ

2019-05-28 03:58:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប៉ូលិសបានចាប់ខ្លួនស្ត្រី២នាក់ ជាមេក្លោងជួញដូរគ្រឿងញៀនឆ្លងដែនជាង ៧គីឡូក្រាម រួមទាំងវត្ថុតាងមួយចំនួនទៀតផងដែរ។ ការចាប់ខ្លួននេះ បានធ្វើឡើងនៅចំណុចផ្លូវ៩៣ ភូមិចុងខ្សាច់ សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ កាលពីថ្ងៃទី២៦ ខែឧសភា ឆ្នាំ២០១៩ ដោយកម្លាំងជំនាញ "ក៩" នៃមន្ទីរប្រឆាំងគ្រឿងញៀន បានបើកកិច្ចប្រតិបត្តិការបង្ក្រាបករណីជួញដូរគ្រឿងញៀនឆ្លងដែន។

ជនសង្ស័យដែលចាប់ខ្លួនមានដូចជា៖

១. ឈ្មោះ ហ៊ីម ពៅ ភេទ ស្រី ជនជាតិខ្មែរ អាយុ ២៥ឆ្នាំ ទីលំនៅបច្ចុប្បន្ន ផ្ទះលេខ 36H ផ្លូវ៩៣ ភូមិ ចុងខ្សាច់ សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ។

២. ឈ្មោះ ហ៊ីម ជុ អាយុ៣១ឆ្នាំ ភេទស្រី ជនជាតិខ្មែរ មានទីលំនៅដូចគ្នា ។

ដកហូតវត្ថុតាង៖ ថ្នាំញៀនប្រភេទម៉េតំហ្វេតាមីនICE 7094.55g ជញ្ជីងថ្លឹងគ្រឿងញៀន ០២គ្រឿង ទូរសព្ទ០៣ គ្រឿង និងសំភារៈប្រើប្រាស់ និងវេចខ្ចប់មួយចំនួន៕

អត្ថបទ៖ សោភា