រដ្ឋមន្រ្តីកសិកម្មស្នើឱ្យចិន ជួយដល់ការបង្កើតវិទ្យាស្ថានស្រាវជ្រាវ និងពិសោធន៍ពូជឫស្សី និងរុក្ខជាតិផ្កា
- 2019-05-29 03:13:12
- ចំនួនមតិ 0 | ចំនួនចែករំលែក 0
រដ្ឋមន្រ្តីកសិកម្មស្នើឱ្យចិន ជួយដល់ការបង្កើតវិទ្យាស្ថានស្រាវជ្រាវ និងពិសោធន៍ពូជឫស្សី និងរុក្ខជាតិផ្កា
ចន្លោះមិនឃើញ
លោក វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានស្នើឱ្យភាគីចិន ពិនិត្យ និងពិចារណាផ្តល់ការគាំទ្រដល់ការបង្កើតវិទ្យាស្ថានស្រាវជ្រាវ និងពិសោធន៍ពូជឫស្សី និងជាពិសេសពូជរុក្ខជាតិផ្កា រួមជាមួយការរៀបចំគម្រោងសួនច្បារគំរូមិត្តភាព កម្ពុជា-ចិន ដើម្បីអភិវឌ្ឍវិស័យព្រៃឈើ និងអាចបង្កើតជាតំបន់ទេសចរណ៍ធម្មជាតិផងដែរ។
សំណើខាងលើនេះ ត្រូវបានលើកឡើងក្នុងជំនួបរវាងលោក វេង សាខុន និងលោកស្រីសាស្រ្តាចារ្យ Jiang Zehui សហប្រធានក្រុមប្រឹក្សាភិបាលនៃគណៈអភិបាលរបស់អង្គការអន្តរជាតិឫស្សី និងផ្តៅ (INBAR) លោក Wang Wentian ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំកម្ពុជា និងសហការីដើម្បីពិភាក្សាអំពីកិច្ចសហប្រតិបត្តិការរវាងអង្គការ INBAR និងក្រសួងកសិកម្ម កាលពីថ្ងៃទី២៨ ខែឧសភា ឆ្នាំ២០១៩ នៅទីស្តីការក្រសួង។
សូមជម្រាបថា ក្រោមការគ្រប់គ្រងរបស់ក្រសួងកសិកម្ម បច្ចុប្បន្នមានសហគមន៍ព្រៃឈើចំនួន ៦១៤សហគមន៍ លើផ្ទៃដីជាង ៥០០ពាន់ហិកតា៕