Real Madrid ទិញបានខ្សែប្រយុទ្ធមុតស្រួច ត្រៀមរដូវកាលថ្មី

2019-06-05 02:16:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Real Madrid បានចុះកុងត្រាយកខ្សែប្រយុទ្ធ Luka Jovic ពីក្លឹបអាល្លឺម៉ង់ Frankfurt ក្នុងតម្លៃបិទជិតមួយ កាលពីថ្ងៃទី៤ ខែមិថុនាម្សិលមិញ។ នេះបើតាមការប្រកាសលើវិបសាយផ្លូវការរបស់ក្លឹបយក្សអេស្ប៉ាញមួយនេះ។

កីឡាករវ័យ ២១ឆ្នាំ ដែលជាគោលដៅចង់បានរបស់ក្លឹបធំៗជាច្រើននេះ បានចុះកុងត្រារយៈពេល ៦ឆ្នាំ ជាមួយក្រុម Zinedine Zidane។

Jovic ពេលលេងនៅ Frankfurt

Jovic ត្រូវបានគេចាត់ទុកថាជាខ្សែប្រយុទ្ធវ័យក្មេងដ៏ល្អបំផុតមួយរូប ដែលអាចជួយនៅតំបន់ប្រយុទ្ធរបស់ Real។ កីឡាករជម្រើសជាតិស៊ែបរូបនេះ ស៊ុតបាន ២៧គ្រាប់ ក្នុង ៤៨ប្រកួតនៅក្លឹបរបស់អាល្លឺម៉ង់។

មិនត្រឹមតែប៉ុណ្ណោះទេ Jovic ក៏ជាប់ជាកីឡាករក្នុងក្រុមល្អបំផុតនៅ Europa League ប្រចាំរដូវកាលនេះផងដែរ (Squad of the season) ក្រោយស៊ុតចូល ១០គ្រាប់ ជួយឲ្យ Frankfurt ឡើងដល់វគ្គពាក់កណ្ដាលផ្ដាច់ព្រ័ត្រ (ចាញ់ Chelsea ដោយបាល់ប៉េណាល់ទី)៕

សូមទស្សនាវីដេអូរបស់ Jovic ដែលបង្ហោះដោយ Real Madrid ខាងក្រោមនេះ៖