សម្តេច ហ៊ុន សែន ថាមិនត្រូវយក «នំបញ្ចុក» ធ្វើជាបញ្ហានយោបាយឡើយ

2019-06-06 03:22:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្នុងពិធីចែកសញ្ញាបត្រដល់និស្សិតសកលវិទ្យាល័យពុទ្ធិសាស្រ្ត នាព្រឹកថ្ងៃទី៦ ខែមិថុនា ឆ្នាំ២០១៩ សម្តេចនាយករដ្ឋមន្រ្តី ហ៊ុន សែន បានថ្លែងថា កុំឱ្យយករឿងដែលនាំគ្នាទទួលទាន «នំបញ្ចុក» ប្រែក្លាយទៅជាបញ្ហានយោបាយឱ្យសោះ។

សម្តេច ហ៊ុន សែន ថ្លែងនាពេលកន្លងមក

សម្តេចបានលើកឡើងយ៉ាងដូច្នេះថា៖ «**នំបញ្ចុកជារបស់ជាតិ មិនមែនជារបស់បក្សនយោបាយណាមួយទេ វាជាអត្តសញ្ញាណជាតិរបស់យើង។ នំបញ្ចុកមិនមែនជាបញ្ហាបំបែកបំបាក់ជាតិនោះទេ តែនំបញ្ចុកគឺជាការឯកភាពជាតិ ជាការសាមគ្គីជាតិរបស់យើងទៅវិញទេ**»។

សូមជម្រាបថា ប្រមុខរាជរដ្ឋាភិបាលកម្ពុជា បានអំពាវនាវឱ្យសមាជិកគណបក្សប្រជាជនកម្ពុជា និងប្រជាពលរដ្ឋទូទាំងប្រទេស ចូលរួមទទួលទាននំបញ្ចុកនៅថ្ងៃទី៩ ខែមិថុនា ឆ្នាំ២០១៩ខាងមុខនេះ ហើយថែមទាំងស្នើឱ្យរៀបជាចង្ហាន់ទៅតាមវត្តអារ៉ាមផងដែរ។ ទោះជាយ៉ាងណា សម្តេចក៏បានបញ្ជាក់ដែរថា កុំរង់ចាំតែថ្ងៃទី៩មិថុនា ពោលគឺបើឃ្លាននំបញ្ចុកថ្ងៃណា ទទួលទាននៅថ្ងៃនោះតែម្តងទៅ៕

អត្ថបទ៖ សំភី