ក្រុមបាល់ទាត់​ជម្រើសជាតិ​កម្ពុជា បានយកឈ្នះ​ក្រុម​បាល់ទាត់​ជម្រើសជាតិប៉ាគីស្ថាន ២-០ ក្នុងជើងទី១ នៃវគ្គជម្រុះជុំទី១ FIFA World Cup 2022 នៅ​ពហុ​កីឡដ្ឋាន​ជាតិ​កម្ពុជា នារាត្រីថ្ងៃទី៦ ខែមិថុនានេះ។ នា​រាត្រី​ថ្ងៃដដែលនេះ ៤គូផ្សេងទៀត ដែលត្រូវជម្រុះ​វគ្គ​ដំបូងនេះ ក៏​បាន​បញ្ចប់​ជើងទី១ ដូចគ្នាដែរ ក្នុងនោះ​មានក្រុម​មកពី​តំបន់​អាស៊ាន​ដូចកម្ពុជា ចំនួន ២ គឺ​ឡាវ និងប្រ៊ុយណេ បានចាញ់ការប្រកួតដូចគ្នា។

• ម៉ុងហ្គោលី ឈ្នះ ប្រ៊ុយណេ ២-០

• ឡាវ ចាញ់ បង់ក្លាដេស ០-១

• ម៉ាកាវ ឈ្នះ ​ស្រីលង្កា ១-០

• ប៊ូតង់ ឈ្នះ Guam ១-០

ចំណែក​១គូទៀត នឹងត្រូវប្រកួតជើងទី១ នាថ្ងៃទី៧ ខែមិថុនាស្អែកនេះ គឺរវាង​ ម៉ាឡេស៊ី និង​ទីម័រខាងកើត។

ការប្រកួតជើងទី២ នៃវគ្គជម្រុះជុំដំបូងទាំង ៦គូ នឹងត្រូវធ្វើឡើងនៅថ្ងៃទី១១ ខែមិថុនា។ ក្រុមដែលឈ្នះ​ក្នុងលទ្ធផល​សរុបទាំង២ ជើង នឹងត្រូវឡើងទៅវគ្គជម្រុះ​ជុំ​បន្ទាប់៕

ចុចអាន៖ ជម្រើសជាតិ​កម្ពុជា ឈ្នះ ប៉ាគីស្ថាន ក្នុង​វគ្គ​ជម្រុះ World Cup