ជម្រុះ EURO យប់មិញ! អាល្លឺម៉ង់ លត់គូប្រកួតដល់ ៨គ្រាប់ ឯខ្សែប្រយុទ្ធបារាំង Mbappe រកបានគ្រាប់ទី១០០

2019-06-12 02:29:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការប្រកួតវគ្គជម្រុះ EURO 2020 កាលពីយប់មិញនេះ អាល្លឺម៉ង់ បានលត់ អេស្តូនី យ៉ាងទក់សាច់ក្នុងលទ្ធផល ៨-០ ក្នុងនោះ ៥គ្រាប់គឺធ្វើបាននៅតង់ទី១។

គ្រាប់បាល់ទាំង៨គ្រាប់នេះ ធ្វើបានដោយ Marco Reus នាទី១០ និង៣៧, Serge Gnabry នាទី១៧ និង៦២, Leon Goretzka នាទី២០, Ilkay Gundogan នាទី២៦ ដោយបាល់ប៉េណាល់ទី, Timo Werner នាទី៧៩ និង Leroy Sane នាទី៨៨។

៥គ្រាប់របស់អាល្លឺម៉ង់នៅតង់ទី១ ក្នុងការប្រកួតនេះ គឺធ្វើបានសារជាថ្មីបន្ទាប់ពីធ្វើបានកាលពីឆ្នាំ២០១៤ ទល់នឹងប្រេស៊ីល ក្នុងវគ្គពាក់កណ្តាលផ្តាច់ព្រ័ត្រ World Cup ដែលពេលនោះ អាល្លឺម៉ង់ បានបំបាក់ ប្រេស៊ីល ៧-១។

៣ប្រកួតរបស់អាល្លឺម៉ង់ ក្នុងវគ្គជម្រុះនេះ (ពូលC) គឺឈ្នះទាំងអស់ មាន៩ពិន្ទុ ប៉ុន្តែស្ថិតនៅចំណាត់ថ្នាក់ទី២ក្នុងពូលជាបណ្តោះអាសន្ន តាមពីក្រោយ អៀរឡង់ខាងជើង ដែល៤ប្រកួតឈ្នះទាំងអស់ មាន ១២ពិន្ទុ ឈរលើគេក្នុងពូល។ យប់មិញ អៀរឡង់ខាងជើងឈ្នះ បេឡារុស ១-០។

ចំណែក១គូទៀត គឺ បារាំង បានបំបាក់ម្ចាស់ផ្ទះ អង់ដូរ៉ា ក្នុងលទ្ធផល ៤-០។ ៤គ្រាប់នេះ ធ្វើបានដោយ Kyilan Mbappe នៅនាទី១១, Wissam Ben Yedder នាទី៣០, Florian Thauvin នាទី៤៥ និង Kurt Zouma នៅនាទី៦០។ សូមបញ្ជាក់ថា នេះគឺជាគ្រាប់ទី១០០ របស់ Mbappe ក្នុងការបង្ហាញខ្លួនឱ្យក្រុមជម្រើសជាតិបារាំង និងក្លឹប ចំនួន ១៨០ដង។