តុលាការផ្ទន្ទាទោសលោក ផែង វណ្ណៈ ដាក់ពន្ធនាគារ១ឆ្នាំ តែអនុវត្តត្រឹម២ខែកន្លះ និងពិន័យ៤លានរៀល

2019-06-17 02:32:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក លី សុខលេង ចៅក្រមសាលាដំបូងរាជធានីភ្នំពេញនៅព្រឹកថ្ងៃទី១៧ ខែមិថុនា ឆ្នាំ២០១៩ បានសម្រេច ធ្វើការប្រកាសសាលក្រមផ្តន្ទាទោស លោក ផែង វណ្ណៈ ដាក់ពន្ធនាគារកំណត់រយៈពេល១ឆ្នាំ ប៉ុន្តែតុលាការបានបង្គាប់ ឲ្យអនុវត្តត្រឹម២ខែ និង១៥ថ្ងៃប៉ុណ្ណោះ និងពិន័យជាប្រាក់ ចំនួន ៤លានរៀល ពីបទបរិហារកេរ្តិ៍ជាសាធារណៈ និងញុះញង់ឱ្យប្រព្រឹត្តបទឧក្រិដ្ឋជាអាទ៌ តាមមាត្រា៤៩៤ មាត្រា៤៩៥ និងមាត្រា៣០៥ នៃក្រមព្រហ្មទណ្ឌ។

នាពេលសវនាការកាលពីថ្ងៃទី១៤ មិថុនា ឆ្នាំ២០១៩កន្លងទៅ លោក ផែង វណ្ណៈ បានឆ្លើយសារភាពថា លោកពិតជាបានបង្ហោះសរសេរប្រៀបធៀប មិនសមរម្យនៅលើបណ្តាញសង្គមហ្វេសប៊ុកពាក់ព័ន្ធនឹងការពាំនាំថវិកា ចូលបុណ្យពិតប្រាកដមែន តែលោកអះអាងថា លោកមិនមានចេតនាឡើយ និងបង្ហាញពីការសោកស្តាយកំហុសផងដែរ។

ជាមួយគ្នានេះលោកបានទទួលយកការចោទប្រកាន់ និងស្នើឲ្យតុលាការបន្ធូរបន្ថយទោសផងដែរ៕

អត្ថបទ៖ សោភា