អាហ្សង់ទីន ជាប់លេខ ៣ បានប្រាក់រង្វាន់ប៉ុន្មាន?

2019-07-07 01:53:42
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមជម្រើសជាតិអាហ្សង់ទីន បានជាប់ចំណាត់ថ្នាក់លេខ ៣ ក្រោយយកឈ្នះក្រុមជម្រើសជាតិឈីលី ដោយលទ្ធផល ២-១ ទើបនឹងបញ្ចប់ទៅកាលពីព្រឹកមិញនេះទាំងចម្រូងចម្រាស។

ពាន Copa America ឆ្នាំ ២០១៦

ព្រឹត្តិការណ៍ធំប្រចាំតំបន់អាមេរិកខាងត្បូង Copa America ២០១៩ នេះចំណាយសរុបគឺ ២១,៥ លានដុល្លារសម្រាប់ក្រុមនីមួយៗដែលជាប់ចំណាត់ថ្នាក់ទាំងអស់និងក្រុមដែលបានចូលរួម។

យ៉ាងណាមិញ ចំពោះប្រាក់រង្វាន់សម្រាប់ក្រុមដែលក្លាយជាជើ់ងឯកនឹងទទួលបានពាន ១ និងប្រាក់រង្វាន់ ៦,៥ លានដុល្លារ។ បន្ថែមពីលើនេះទៀត ក្រុមជយលាភីនឹងបានប្រាក់រង្វាន់ផ្សេងៗ ពីក្រុមហ៊ុនដែលបានឧបត្ថម្ភក្នុងកម្មវិធី។

ក្រុមជម្រើសជាតិអាហ្សង់ទីន បានជាប់ចំណាត់ថ្នាក់លេខ ៣

ដោយឡែក ក្រុមរងជើងឯកទទួលបានប្រាក់រង្វាន់ ៣,៥ លានដុល្លារ ឯក្រុមចំណាត់ថ្នាក់លេខ៣ ទទួលបាន ៣ លានដុល្លារ។ ឯក្រុមចំណាត់ថ្នាក់លេង ៤ បាន ២,៥ លានដុល្លារ។

រំឮកផងដែរថា ពានធំប្រចាំតំបន់អាមេរិកខាងត្បូងនេះ កាលពីឆ្នាំ ២០១៥ ប្រាក់រង្វាន់សរុបតែ ១០ លានដុល្លារប៉ុណ្ណោះសម្រាប់ក្រុមដែលជាប់ចំណាត់ថ្នាក់ទាំងអស់និងក្រុមដែលបានចូលរួម។ ប៉ុន្តែតាំងពីឆ្នាំ ២០១៦ ប្រាក់រង្វាន់កើនឡើង ២ ដងពោលគឺ (២១,៥ លានដុល្លារ) ខណៈដែលឈឺលី ក្លាយជាជើងឯកលើកទី ២ ក្នុងប្រវត្តិសាស្រ្តរបស់ខ្លួន ទទួលបានពាន ១ និងទឹកប្រាក់ ៦,៥ លានដុល្លារ(ដូចបច្ចុប្បន្ន)។

អត្ថបទទាក់ទង៖