បង្ហោះព័ត៌មានប្រឌិតអំពីស្ថានភាពសុខភាពរបស់នាយករដ្ឋមន្រ្តីកម្ពុជា គឺជាបទល្មើសព្រហ្មទណ្ឌ

2019-07-12 02:56:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រសិនបើគណនីហ្វេសប៊ុកណាមួយបង្ហោះព័ត៌មានក្លែងក្លាយ (Fake News) ដែលធ្វើឱ្យមានការជ្រួលច្របល់មតិសាធារណៈ ជាហេតុផលធ្វើឱ្យប៉ះពាល់ដល់សន្តិសុខជាតិ ដោយប្រឌិតស្ថានភាពអាក្រក់ពីសុខភាពរបស់នាយករដ្ឋមន្រ្តីនៅក្នុងតំណែង គឺជាបទល្មើសព្រហ្មទណ្ឌ។ នេះបើតាមការបញ្ជាក់របស់លោក ផៃ ស៊ីផាន អ្នកនាំពាក្យរាជរដ្ឋាភិបាលកម្ពុជា ដែលបានដកស្រង់ចេញពីកិច្ចប្រជុំគណៈរដ្ឋមន្រ្តី ក្រោមអធិបតីភាពសម្តេច ហ៊ុន សែន នាព្រឹកថ្ងៃទី១២ ខែកក្កដា ឆ្នាំ២០១៩។

រាជរដ្ឋាភិបាល នឹងចាត់វិធានការយ៉ាងម៉ឹងម៉ាត់ចំពោះសកម្មភាពឧក្រិដ្ឋនេះ។

សម្តេច ហ៊ុន សែន ពេលសម្រាកព្យាបាលនៅសិង្ហបុរី ថ្មីៗនេះ

សូមរំលឹកថា កាលពីថ្ងៃទី៧ ខែកក្កដាកន្លងទៅ សម្តេចនាយករដ្ឋមន្រ្តី ហ៊ុន សែន បានទៅសម្រាកព្យាលបាលនៅក្នុងមន្ទីរពេទ្យ ប្រទេសសិង្ហបុរី ដោយមានបញ្ហាគ្រេចស្មា។ ក្នុងនោះមានការ comment តាមហ្វេសប៊ុកជូនពរសម្តេចឱ្យបានឆាប់ជាសះស្បើយ និងមានអ្នកបន់ឱ្យសម្តេចឆាប់ស្លាប់ ឬបង្កើតព័ត៌មានក្លែងក្លាយអំពីស្ថានភាពជំងឺរបស់សម្តេច។

សម្តេច ហ៊ុន សែន បានឆ្លើយតបវិញយ៉ាងដូច្នេះថា៖ «ខ្ញុំសូមជូនយោបល់ទៅអ្នកទាំងនោះវិញថា (ឈប់បានឈប់ទៅ ) ព្រោះការធ្វើនយោបាយរង់ចាំឱ្យខ្ញុំស្លាប់ ដើម្បីដណ្តើមអំណាច សូមរង់ចាំជាតិ ក្រោយទៅចុះ ព្រោះយមរាជមិនត្រូវការជីវិតខ្ញុំទេ ក្នុងរយ:ពេលមិនតិចជាង៤០ឆ្នាំពេលខាងមុខ ព្រោះយមរាជត្រូវការឱ្យខ្ញុំនៅបន្តបម្រើប្រជាជន និងកំចាត់ពួកក្បត់ជាតិដើម្បីរក្សាសន្តិភាពនិងការអភិវឌ្ឍបន្តទៅទៀត»៕

អត្ថបទ៖ សំភី