អ្នកជំនាញម្នាក់ ទាយថាក្រុមនេះនឹងបង្កើតប្រវត្តិសាស្ត្រលើកពាន Premier League
- 2019-08-04 04:44:09
- ចំនួនមតិ 0 | ចំនួនចែករំលែក 0
អ្នកជំនាញម្នាក់ ទាយថាក្រុមនេះនឹងបង្កើតប្រវត្តិសាស្ត្រលើកពាន Premier League
ចន្លោះមិនឃើញ
ការប្រកួតលីគកំពូលអង់គ្លេស English Premier League នឹងត្រលប់មកវិញនៅសប្ដាហ៍ក្រោយនេះហើយ ដែលធ្វើឱ្យក្រុមទាំងអស់រវល់ខ្លាំងក្នុងការទិញដូរកីឡាករ។
ក្នុងនោះដែរ មានអ្នកវិភាគជាច្រើនបានព្យាករណ៍ពីក្រុមដែលមានឱកាសក្នុងការឈ្នះពាន។ លោក Danny Murphy អ្នកជំនាញនៅខាង dailymail បានបង្ហាញចំណាប់អារម្មណ៍របស់ខ្លួនផងដែរ។ លោកថាក្រុម Man City នឹងនៅតែធ្វើបានល្អដដែលសម្រាប់រដូវកាលថ្មី កីឡាករពួកគេមិនបានចាកចេញទៅណានោះទេ តែបើរឿងឈ្នះពានម្ដងទៀត លោកសុំជ្រើសយក Liverpool ហើយ។
កត្ដាដែលលោកយក Liverpool គឺក្រុមហង្សក្រហមនេះ មានកីឡាករល្អ និងពោរពេញដោយទំនុកចិត្ត ក្នុងការឈ្នះពាន។ រដូវកាលមុនពួកគេភ្លាត់តែបន្តិចប៉ុណ្ណោះ ធ្វើឱ្យឱកាសលើកពានត្រូវបានបាត់ធ្លាក់ទៅ Man City ដូច្នេះហើយប្រសិនបើរដូវកាលនេះ ពួកគេលេងដោយប្រុងប្រយ័ត្នបន្តិច នោះនឹងមានឱកាសស្គាល់ជាតិពាន Premier League ជាក់ជាមិនខាន៕