សម័យប្រជុំវិសាមញ្ញ​ព្រឹទ្ធសភា នាព្រឹកថ្ងៃទី១២ ខែសីហា ឆ្នាំ២០១៩​នេះ​ បាន​ទទួលស្គាល់​សមាជិកព្រឹទ្ធសភាថ្មី សម្រាប់​នីតិកាលទី៤ ចំនួន ០៣​រូប ដូចខាងក្រោម៖

រូបថត៖ ដើមអម្ពិល

១. ព្រះអង្គម្ចាស់ នរោត្តម ប្រីយសោភ័ណ្ឌ ជាសមាជិកព្រឹទ្ធសភា ចាត់តាំងដោយព្រះមហាក្សត្រ ជំនួស សម្តេចរាជបុត្រីព្រះអនុជ នរោត្តម អរុណរស្មី ដែលបានសុំលាឈប់ចាប់ពីថ្ងៃទី០១ ខែកញ្ញា ឆ្នាំ២០១៩ ។

២. លោក ញ៉ូវ សុង ជាសមាជិកព្រឹទ្ធសភា មណ្ឌលភូមិភាគទី៧ (ខេត្តកំពង់ស្ពឺ ខេត្តកំពង់ឆ្នាំង ខេត្តពោធិ៍សាត់ ខេត្តកោះកុង និងខេត្តព្រះសីហនុ) ជំនួសលោក ឡាយ អ៊ីពិសិទ្ធ ដែលបានទទួលមរណភាព។

៣. លោក ឡៅ ឆន ជាសមាជិកព្រឹទ្ធសភា មណ្ឌលភូមិភាគទី៤ (ខេត្តបាត់ដំបង ខេត្តបន្ទាយមានជ័យ ខេត្តសៀមរាប ខេត្តឧត្តរមានជ័យ និងខេត្តប៉ៃលិន) ជំនួស លោកស្រី ស៊ឹង ស៊ីយុត ដែលបាន​ទទួលមរណភាព។

សមាជិកព្រឹទ្ធសភា​ថ្មីទាំង ០៣រូប​នេះ ត្រូវធ្វើសច្ចាប្រណិធាន​មុនចូល​កាន់តំណែង៕