កម្ពុជា ប្រកាសគាំទ្ររាល់ចំណាត់ការរបស់រដ្ឋាភិបាលចិន ចំពោះស្ថានភាពនៅហុងកុង

2019-08-18 03:02:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

កម្ពុជា គាំទ្រនូវរាល់ចំណាត់ការចាំបាច់នានារបស់រដ្ឋាភិបាលចិន និងតំបន់រដ្ឋបាលពិសេសទីក្រុងហុងកុង ដើម្បីសន្តិភាព សណ្តាប់ធ្នាប់សាធារណៈ សន្តិសុខ និងការរួមរស់នៅជាមួយប្រកបដោយភាពសុខដុមរមនាក្នុងសង្គម ដោយអនុលោមទៅតាមច្បាប់ និងបទប្បញ្ញត្តិទាំងឡាយរបស់ប្រទេស និងការប្រតិបត្តិជាអន្តរជាតិ។ នេះជាខ្លឹមសារក្នុងសេចក្តីថ្លែងការណ៍របស់ក្រសួងការបរទេស និងសហប្រតិបត្តិការអន្តរជាតិ កាលពីថ្ងៃទី១៧ ខែសីហា ឆ្នាំ២០១៩។

រដ្ឋមន្រ្តីការបរទេសកម្ពុជា-ចិន ក្នុងជំនួបនាពេលកន្លងមក (រូបថត៖ ស៊ីនហួ)

ក្នុងសេចក្តីថ្លែងការណ៍នេះបញ្ជាក់ថា កម្ពុជាគោរព «គោលនយោបាយចិនមួយ» ហើយចាត់ទុកស្ថានការណ៍ដែលកំពុងវិវត្តនៅក្នុងទីក្រុងហុងកុង ជាកិច្ចការផ្ទៃក្នុងរបស់សាធារណរដ្ឋប្រជាមានិតចិន។ កម្ពុជា ចង់ឃើញការត្រឡប់មករកប្រក្រតីភាពឱ្យបានឆាប់ នូវជីវភាពរស់នៅប្រកបដោយសុខសន្តិភាពរបស់ប្រជាជនហុងកុងទាំងមូល៕

ចុចអាន៖ វីដេអូ៖ ទស្សនាការហ្វឹកហាត់បង្ក្រាបបាតុកររបស់ប៉ូលិសចិននៅក្រុងស៊ីនជិន ដែលនៅជិតហុងកុង

អត្ថបទ៖ សំរិទ្ធ កុម្ភៈ