អាណត្តិ ៣ឆ្នាំរបស់​ទូតជប៉ុន៖ ជប៉ុន ចុះកិច្ចព្រមព្រៀង​ផ្តល់ជំនួយ​ឥតសំណង ១៥០លានដុល្លារ ជាមួយ​កម្ពុជា

  • 2019-08-21 02:09:50
  • ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុង​អាណត្តិ ៣​ឆ្នាំ​នៃការ​បំពេញ​បេសកកម្ម​ការទូតនៅកម្ពុជា​របស់​លោក Hidehisa HORINOUCHI កម្ពុជា-ជប៉ុន បាន​ចុះ​ហត្ថលេខា​លើកិច្ច​ព្រមព្រៀង​ហិរញ្ញប្បទាន​សហប្រតិបត្តិការ (Japan ODA) មាន​ទឹកប្រាក់​សរុប​ប្រមាណ​ជាង ៥៥០​លាន​ដុល្លារ ក្នុងនោះ​ហិរញ្ញប្បទាន​ឥតសំណង​មាន​ទឹកប្រាក់​ប្រមាណ​ជិត ១៥០លានដុល្លារ។ នេះបើតាមសេចក្តី​ប្រកាស​ព័ត៌មាន​របស់​ក្រសួង​សេដ្ឋកិច្ច និង​ហិញ្ញវត្ថុ ស្តីពី​ជំនួប​រវាង​លោក អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តី​ក្រសួង​សេដ្ឋកិច្ច និង​ហិរញ្ញវត្ថុ និង​លោក Hidehisa HORINOUCHI ឯកអគ្គរដ្ឋទូត​វិសាមញ្ញ និង​ពេញ​សមត្ថភាព​ជប៉ុន​ប្រចាំកម្ពុជា ដែល​ជិតចប់អាណត្តិ​ កាលពីថ្ងៃទី១៩ ខែ​សីហា ឆ្នាំ​២០១៩។

រូបថត៖ ក្រសួងសេដ្ឋកិច្ច និងហិរញ្ញវត្ថុ

ការ​ផ្តល់​ជំនួយខាងលើ គឺ​សម្រាប់​គាំទ្រ​លើវិស័យ​ជាច្រើនរួមមាន៖ ផ្លូវ ស្ពាន ការផ្គត់ផ្គង់​ទឹកស្អាត ថាមពល​អគ្គិសនី អប់រំ សុខាភិបាល និង​ការ​កសាង​ហេដ្ឋា​រចនាសម្ព័ន្ធរូបវ័ន្ត​នានា និង​ទឹកប្រាក់​ប្រមាណ​ជាង ​៤០០លានដុល្លារ​ ជាឥណទាន​សម្បទានសម្រាប់​ហិរញ្ញប្បទាន​បន្ថែម ដល់​គម្រោង​ធ្វើ​ឱ្យ​ប្រសើរឡើង​នូវ​កំណាត់​ផ្លូវ​ជាតិលេខ៥ (ស្ពាន​ព្រែកក្តាម-ក្រុងប៉ោយប៉ែត) គម្រោង​អភិវឌ្ឍន៍​ចំណត​កុងតឺន័រកំពង់ផែស្វយ័ត​ក្រុង​ព្រះសីហនុ គម្រោង​ស្តារឡើង​វិញ​នូវ​ប្រព័ន្ធ​ធារាសាស្រ្ត និង​គម្រោង​ពង្រីក​ប្រព័ន្ធ​ខ្សែបញ្ជូន និងចែកចាយ​អគ្គិសនី។ល។ វិភាគ​ទាន​របស់​ប្រជាជន​ជប៉ុន សុទ្ធសឹងតែ​គាំទ្រ​ដល់​យុទ្ធសាស្រ្ត​នៃការ​អភិវឌ្ឍ​ជាតិ​របស់​កម្ពុជា។

សេចក្តី​ប្រកាស​ព័ត៌មាន​ដដែល​បន្តថា សម្រាប់​ឆ្នាំ​២០១៨ ទំហំ​នៃការ​វិនិយោគ​ឯកជន​ពី​ប្រទេស​ជប៉ុន មាន​ទឹកប្រាក់​ប្រមាណ ៤៤០​លានដុល្លារ។ រីឯការ​នាំចេញ​ទៅប្រទេស​ជប៉ុន មាន​ទំហំ​ទឹកប្រាក់​ប្រមាណ ១៦០០លានដុល្លារ។ គិតត្រឹមឆមាស​ទី១ ឆ្នាំ​២០១៩ ទំហំ​នៃការ​វិនិយោគ និង​ពាណិជ្ជកម្ម​ជប៉ុន មាន​ទឹកប្រាក់​កើនឡើង​ប្រមាណជិត ៥០០​លានដុល្លារ រីឯការ​នាំចេញ​ទៅប្រទេស​ជប៉ុន មាន​ទំហំ​ទឹកប្រាក់​ប្រមាណជាង ១៧០០លានដុល្លារ៕

ក្នុង​អាណត្តិ ៣​ឆ្នាំ​នៃការ​បំពេញ​បេសកកម្ម​ការទូតនៅកម្ពុជា​របស់​លោក Hidehisa HORINOUCHI កម្ពុជា-ជប៉ុន បាន​ចុះ​ហត្ថលេខា​លើកិច្ច​ព្រមព្រៀង​ហិរញ្ញប្បទាន​សហប្រតិបត្តិការ (Japan ODA) មាន​ទឹកប្រាក់​សរុប​ប្រមាណ​ជាង ៥៥០​លាន​ដុល្លារ ក្នុងនោះ​ហិរញ្ញប្បទាន​ឥតសំណង​មាន​ទឹកប្រាក់​ប្រមាណ​ជិត ១៥០លានដុល្លារ។ នេះបើតាមសេចក្តី​ប្រកាស​ព័ត៌មាន​របស់​ក្រសួង​សេដ្ឋកិច្ច និង​ហិញ្ញវត្ថុ ស្តីពី​ជំនួប​រវាង​លោក អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តី​ក្រសួង​សេដ្ឋកិច្ច និង​ហិរញ្ញវត្ថុ និង​លោក Hidehisa HORINOUCHI ឯកអគ្គរដ្ឋទូត​វិសាមញ្ញ និង​ពេញ​សមត្ថភាព​ជប៉ុន​ប្រចាំកម្ពុជា ដែល​ជិតចប់អាណត្តិ​ កាលពីថ្ងៃទី១៩ ខែ​សីហា ឆ្នាំ​២០១៩។

រូបថត៖ ក្រសួងសេដ្ឋកិច្ច និងហិរញ្ញវត្ថុ

ការ​ផ្តល់​ជំនួយខាងលើ គឺ​សម្រាប់​គាំទ្រ​លើវិស័យ​ជាច្រើនរួមមាន៖ ផ្លូវ ស្ពាន ការផ្គត់ផ្គង់​ទឹកស្អាត ថាមពល​អគ្គិសនី អប់រំ សុខាភិបាល និង​ការ​កសាង​ហេដ្ឋា​រចនាសម្ព័ន្ធរូបវ័ន្ត​នានា និង​ទឹកប្រាក់​ប្រមាណ​ជាង ​៤០០លានដុល្លារ​ ជាឥណទាន​សម្បទានសម្រាប់​ហិរញ្ញប្បទាន​បន្ថែម ដល់​គម្រោង​ធ្វើ​ឱ្យ​ប្រសើរឡើង​នូវ​កំណាត់​ផ្លូវ​ជាតិលេខ៥ (ស្ពាន​ព្រែកក្តាម-ក្រុងប៉ោយប៉ែត) គម្រោង​អភិវឌ្ឍន៍​ចំណត​កុងតឺន័រកំពង់ផែស្វយ័ត​ក្រុង​ព្រះសីហនុ គម្រោង​ស្តារឡើង​វិញ​នូវ​ប្រព័ន្ធ​ធារាសាស្រ្ត និង​គម្រោង​ពង្រីក​ប្រព័ន្ធ​ខ្សែបញ្ជូន និងចែកចាយ​អគ្គិសនី។ល។ វិភាគ​ទាន​របស់​ប្រជាជន​ជប៉ុន សុទ្ធសឹងតែ​គាំទ្រ​ដល់​យុទ្ធសាស្រ្ត​នៃការ​អភិវឌ្ឍ​ជាតិ​របស់​កម្ពុជា។

សេចក្តី​ប្រកាស​ព័ត៌មាន​ដដែល​បន្តថា សម្រាប់​ឆ្នាំ​២០១៨ ទំហំ​នៃការ​វិនិយោគ​ឯកជន​ពី​ប្រទេស​ជប៉ុន មាន​ទឹកប្រាក់​ប្រមាណ ៤៤០​លានដុល្លារ។ រីឯការ​នាំចេញ​ទៅប្រទេស​ជប៉ុន មាន​ទំហំ​ទឹកប្រាក់​ប្រមាណ ១៦០០លានដុល្លារ។ គិតត្រឹមឆមាស​ទី១ ឆ្នាំ​២០១៩ ទំហំ​នៃការ​វិនិយោគ និង​ពាណិជ្ជកម្ម​ជប៉ុន មាន​ទឹកប្រាក់​កើនឡើង​ប្រមាណជិត ៥០០​លានដុល្លារ រីឯការ​នាំចេញ​ទៅប្រទេស​ជប៉ុន មាន​ទំហំ​ទឹកប្រាក់​ប្រមាណជាង ១៧០០លានដុល្លារ៕

អត្ថបទ៖ សំរិទ្ធ កុម្ភៈ

;