ប៉ូលិសចាប់ខ្លួនក្រុមឧក្រិដ្ឋជនចិន ២៧នាក់​រត់មកលាក់ខ្លួននៅក្រុងបាវិត

  • 2019-08-23 03:07:51
  • ចំនួនមតិ 0 | ចំនួនចែករំលែក 54

ចន្លោះមិនឃើញ

ប៉ូលិស​អន្តោ​ប្រវេសន៍​កម្ពុជា បាន​ចាប់ខ្លួនក្រុមឧក្រិដ្ឋជនចិនចំនួន ២៧នាក់ ក្នុង​នោះ​មានស្រី ៦នាក់ ដែល​បាន​ប្រព្រឹត្ត​បទ​ល្មើស​នៅ​ប្រទេសចិន រួច​រត់​មក​ពួនសម្ងំលាក់ខ្លួននៅក្នុងប្រទេសកម្ពុជា។ ការចាប់ខ្លួននេះ បាន​ធ្វើ​ឡើង​កាល​ពីថ្ងៃទី២១ ខែសីហា ឆ្នាំ២០១៩ ដោយ​មាន​ការ​សហការ​រវាង​ប៉ូលិស​កម្ពុជា​ជា​មួយ​អាជ្ញាធរ​ចិន។

ការចាប់ខ្លួនក្រុមឧក្រិដ្ឋនជនចិននេះ​ដែរ បានធ្វើឡើងនៅទីតាំងអគារកម្ពស់ ៨ជាន់ ស្ថិត​នៅ​ភូមិ​បាវិត​កណ្តាល សង្កាត់​បាវិត ក្រុងបាវិត ខេត្តស្វាយរៀង ដោយ​មាន​ការ​ចូល​រួម​សហការ​ជា​មួយ​ស្នងការដ្ឋាន​​នគរបាល​ខេត្ត​ស្វាយរៀង ព្រះរាជ​អាជ្ញាអយ្យការអមសាលាដំបូងខេត្តស្វាយរៀង។

លោកនាយឧត្តមសេនីយ៍ កែវ វណ្ណថន អ្នក​នាំ​ពាក្យ​អគ្គនាយកដ្ឋាន​អន្តោ​ប្រវេសន៍​បាន​បញ្ជាក់​ប្រាប់​ឲ្យ​ដឹងថា ជនជាតិចិនដែលចាប់ខ្លួនក្រុងបាវិត ខេត្តស្វាយរៀង នេះជាប់ពាក់​ព័ន្ធការប្រព្រឹត្តបទល្មើសនៅក្រៅប្រទេស រត់​មក​គេច​ខ្លួន​នៅ​កម្ពុជា។

ប្រភព​ពីសមត្ថកិច្ចបានឲ្យដឹងថា ជា​លទ្ធផល​សមត្ថកិច្ច​​បាន​រក​ឃើញ​មាន​ជន​ជាតិ​ចិន​ចំនួន ២៧នាក់ ចូល​មក​ស្នាក់នៅនិងធ្វើការដោយពុំមានឯកសារផ្លូវច្បាប់ ដែល​មាន​ឈ្មោះ​ក្នុង​បញ្ជី​មុខសញ្ញា​ស្វែង​រក​ចាប់​ខ្លួន​របស់​សមត្ថកិច្ច​នគរបាល​ប្រទេសចិន ហើយ​បាន​ឃាត់​ខ្លួន​បញ្ជូន​មក​នាយក​ដ្ឋាន​អន្តោ​ប្រវេសន៍ ដើម្បី​ធ្វើការ​សាក​សួរ និង​អនុវត្ត​តាម​នីតិវិធី ចំណែកជនបរទេសប្រមាណជាង ៣០០នាក់ ដែល​មិន​ពាក់ព័ន្ធ គឺ​មិន​ត្រូវ​បាន​ចាប់​ខ្លួន​នោះទេ៕

ចុចអាន៖

ប៉ូលិស​អន្តោ​ប្រវេសន៍​កម្ពុជា បាន​ចាប់ខ្លួនក្រុមឧក្រិដ្ឋជនចិនចំនួន ២៧នាក់ ក្នុង​នោះ​មានស្រី ៦នាក់ ដែល​បាន​ប្រព្រឹត្ត​បទ​ល្មើស​នៅ​ប្រទេសចិន រួច​រត់​មក​ពួនសម្ងំលាក់ខ្លួននៅក្នុងប្រទេសកម្ពុជា។ ការចាប់ខ្លួននេះ បាន​ធ្វើ​ឡើង​កាល​ពីថ្ងៃទី២១ ខែសីហា ឆ្នាំ២០១៩ ដោយ​មាន​ការ​សហការ​រវាង​ប៉ូលិស​កម្ពុជា​ជា​មួយ​អាជ្ញាធរ​ចិន។

ការចាប់ខ្លួនក្រុមឧក្រិដ្ឋនជនចិននេះ​ដែរ បានធ្វើឡើងនៅទីតាំងអគារកម្ពស់ ៨ជាន់ ស្ថិត​នៅ​ភូមិ​បាវិត​កណ្តាល សង្កាត់​បាវិត ក្រុងបាវិត ខេត្តស្វាយរៀង ដោយ​មាន​ការ​ចូល​រួម​សហការ​ជា​មួយ​ស្នងការដ្ឋាន​​នគរបាល​ខេត្ត​ស្វាយរៀង ព្រះរាជ​អាជ្ញាអយ្យការអមសាលាដំបូងខេត្តស្វាយរៀង។

លោកនាយឧត្តមសេនីយ៍ កែវ វណ្ណថន អ្នក​នាំ​ពាក្យ​អគ្គនាយកដ្ឋាន​អន្តោ​ប្រវេសន៍​បាន​បញ្ជាក់​ប្រាប់​ឲ្យ​ដឹងថា ជនជាតិចិនដែលចាប់ខ្លួនក្រុងបាវិត ខេត្តស្វាយរៀង នេះជាប់ពាក់​ព័ន្ធការប្រព្រឹត្តបទល្មើសនៅក្រៅប្រទេស រត់​មក​គេច​ខ្លួន​នៅ​កម្ពុជា។

ប្រភព​ពីសមត្ថកិច្ចបានឲ្យដឹងថា ជា​លទ្ធផល​សមត្ថកិច្ច​​បាន​រក​ឃើញ​មាន​ជន​ជាតិ​ចិន​ចំនួន ២៧នាក់ ចូល​មក​ស្នាក់នៅនិងធ្វើការដោយពុំមានឯកសារផ្លូវច្បាប់ ដែល​មាន​ឈ្មោះ​ក្នុង​បញ្ជី​មុខសញ្ញា​ស្វែង​រក​ចាប់​ខ្លួន​របស់​សមត្ថកិច្ច​នគរបាល​ប្រទេសចិន ហើយ​បាន​ឃាត់​ខ្លួន​បញ្ជូន​មក​នាយក​ដ្ឋាន​អន្តោ​ប្រវេសន៍ ដើម្បី​ធ្វើការ​សាក​សួរ និង​អនុវត្ត​តាម​នីតិវិធី ចំណែកជនបរទេសប្រមាណជាង ៣០០នាក់ ដែល​មិន​ពាក់ព័ន្ធ គឺ​មិន​ត្រូវ​បាន​ចាប់​ខ្លួន​នោះទេ៕

ចុចអាន៖

អត្ថបទ៖ កុសល

អត្ថបទពេញនិយម
;