ប្រធានាធិបតីកូរ៉េខាងត្បូងនឹងធ្វើទស្សនកិច្ចនៅប្រទេសថៃខែក្រោយនេះ
- 2019-08-26 06:17:08
- ចំនួនមតិ 0 | ចំនួនចែករំលែក 0
ប្រធានាធិបតីកូរ៉េខាងត្បូងនឹងធ្វើទស្សនកិច្ចនៅប្រទេសថៃខែក្រោយនេះ
ចន្លោះមិនឃើញ
ប្រធានាធិបតីកូរ៉េខាងត្បូង លោក មូន ចេអ៊ីន នឹងធ្វើដំណើរទស្សនកិច្ចទៅប្រទេសថៃពីថ្ងៃទី ០១ ដល់០៣ ខែកញ្ញា ឆ្នាំ២០១៩។ នេះបើតាមការចុះផ្សាយរបស់ Bangkok Post ចេញផ្សាយថ្ងៃទី២៦ ខែសីហា ឆ្នាំ២០១៩។
បើតាមការប្រកាសរបស់ក្រសួងការបរទេសថៃ លោក មូន ចេអ៊ិន នឹងជួបជាមួយនាយករដ្ឋមន្ត្រីថៃលោក ប្រាយុទ្ធ ចាន់អូចា នៅវិមានរដ្ឋាភិបាល ក្រុង បាំងកក(Government House) ដើម្បីពិភាក្សាអំពីវិធីពង្រឹងទំនាក់ទំនងរវាងប្រទេសទាំងពីរ។
កិច្ចពិភាក្សារវាងមេដឹកនាំទាំងពីរ នឹងផ្ដោតលើប្រធានបទធំៗមួយចំនួនដូចជា នយោបាយ សន្តិសុខ សេដ្ឋកិច្ច និងការផ្លាស់ប្ដូរមនុស្សទៅវិញទៅមក។
ការធ្វើទស្សនកិច្ចនេះមានគោលបំណងពង្រឹងកិច្ចសហប្រតិបត្តិការនៅថ្នាក់ក្រោមដំបន់ និងថ្នាក់តំបន់ រួមទាំងពង្រឹងវេទិកាពិភាក្សាពហុភាគីផងដែរ។
ក្នុងទស្សនកិច្ចនេះ លោក មូន ចេអ៊ីន ក៏នឹងថ្លែងសុន្ទរកថាមួយនៅវេទិកាធុរកិច្ច ថៃ-កូរ៉េ ៕