សហរដ្ឋអាមេរិកយល់ព្រមលក់មីស៊ីលឲ្យជប៉ុនក្នុងតម្លៃ ៣,៣ ពាន់លានដុល្លារ
- 2019-08-28 08:25:11
- ចំនួនមតិ 0 | ចំនួនចែករំលែក 0
សហរដ្ឋអាមេរិកយល់ព្រមលក់មីស៊ីលឲ្យជប៉ុនក្នុងតម្លៃ ៣,៣ ពាន់លានដុល្លារ
ចន្លោះមិនឃើញ
ក្រុងវ៉ាស៊ីនតោនបានយល់ព្រមលក់ប្រព័ន្ធមីស៊ីលប្រឆាំងគ្រាប់រ៉ុកកែតឲ្យជប៉ុនក្នុងតម្លៃ ៣,៣ ពាន់លានដុល្លារ កាលពីថ្ងៃទី ២៧ ខែសីហា ឆ្នាំ២០១៩ បន្ទាប់ពីកូរ៉េខាងជើងបានសាកល្បងគ្រាប់រ៉ុកកែតជាបន្តបន្ទាប់ ដែលអាចវាយប្រហារជប៉ុនបាន។
ការលក់នេះមកចំពេលកូរ៉េខាងជើងកំពុងខំប្រឹងពង្រីកសមត្ថភាពវាយលុករបស់ខ្លួន ដោយក្នុងរយៈពេលពីរឆ្នាំកន្លងមកនេះ ពួកគេអាចបាញ់មីស៊ីលដែលបានរយៈចម្ងាយមធ្យម និងរយៈចម្ងាយឆ្ងាយ ដែលអាចផ្ទុកគ្រាប់នុយក្លេអ៊ែរបាន។ ក្នុងខែសីហានេះក្រុងព្យុងយ៉ាងបានសាកល្បងមីស៊ីលប្រភេទថ្មី ចំនួន៧ដង ដែលក្នុងនោះមានមួយហោះបានជិតដល់ជប៉ុន។
ក្រៅពីជប៉ុន អាមេរិកក៏បានយល់ព្រមលក់អាវុធឲ្យ ប្រទេស ហុងគ្រី កូរ៉េខាងត្បូង លីទុយអានី និងដាណឺម៉ាក ដែលមានតម្លៃសរុប ៩៤៣ លានដុល្លារ។ ក្នុងនោះ ហុងគ្រីនឹងទិញមីស៊ីល AIM-120C-7 បាញ់យន្តហោះចម្បាំង សម្រាប់បាញ់ទម្លាក់យន្តហោះ ចំនួន ១៨០ គ្រាប់។ រីឯកូរ៉េខាងត្បូង ទិញយកគ្រាប់បែកពន្លិចនាវា MK-54 ចំនួន ៣១ គ្រាប់ ហើយ លីទុយអានីវិញទិញរថយន្តដឹកទាហាន Joint Light Tacticle Vehicle ចំនួន ៥០០ គ្រឿង។ ដាណឺម៉ាក ទិញប្រព័ន្ធសូណាប្រេកង់ទាប ផលិតដោយក្រុមហ៊ុន Lockheed Martin សម្រាប់ស្ដាប់រកនាវាមុជទឹក៕